MATUKIO YA WIKI KUANZIA JUMATATU JANUARI 04— IJUMAA JANUARI 09,2015 MKOANI KATAVI NA TANZANIA KWA UJUMLA
NA.ISSACK GERALD BATHROMEO
Posted By:Issack Gerald | At:Monday, January
04, 2016
Na.Issack Gerald-MPANDA
Watu
wawili wamekutwa wakiwa wameuawa na watu wasiojulikana Wilayani Mpanda Mkoani
Katavi baada ya kukatwa na vitu vyenye ncha kali Januari Mosi Mwaka huu.
Mratibu
wa Jeshi la Polisi Mkoani Katavi SSP Focas Malengo amesema,katika tukio la
kwanza mtu mmoja aliyefahamika kwa jina la Tiho Robert (40) mkazi wa kitongoji cha
Center John kijiji na kata ya Mwamkulu Wilayani Mpanda Mkoani Katavi,aliauawa
majira ya saa tano za usiku.
Katika
tukio hilo,marehemu alivamiwa na wauaji hao akiwa amelala nyumbani kwake baada
ya kuvunja mlango na kuanza kumshambulia ambapo baada ya kutekeleza mauaji hayo
walikimbia na kutokomea kusikojulikana.
SSP
Malengo amesema,katika tukio lingine,mwanaume aliyekadiriwa kuwa na umri kati
ya miaka 25-30 aliuawa kwa kukatwa na kitu chenye ncha kali kichwani na
shingoni na watu wasiofahamika ambapo alikutwa katika maeneo ya mtaa na kata ya
Nsemulwa amjira ya saa mbili asubuhi.
Hata
hivyo chanzo cha mauji ya watu ahawa hakijajulikana na Jeshi la Polisi limesema
Linaendelea na upelelezi ili kuwabaini wahusika na kuwafikisha katika vyombo
vya kisheria.
MLELE
Posted By:Issack Gerald | At:Monday, January
04, 2016
Na.Issack
Mlele-Katavi
Mtu
mmoja aliyejulikana kwa jina la Chalya Kichosha(60) mkazi wa mkazi wa kijiji
cha Ibindi alikutwa akiwa ameuawa na watu wasiojulikana kwa kukatwa na kitu
chenye ncha kali sehemu za kichwani na shingoni.
Mratibu
wa Polisi Mkoani Katavi SSP Focas Malengo amesem akuwa tukio hilo limetokea
Mnamo tarehe 02/01/2016 majira ya saa sita usiku katika kitongoji cha Ipilito
Ibindi kata ya Ibindi Tarafa ya Nsimbo Wilayani Mlele Mkoa wa Katavi.
SSP
Malengo amesema,siku ya tukio,wauaji walifika nyumbani kwa marehemu majira ya
usiku na kuvunja mlango kisha kuingia ndani na kisha kuanza kumshambulia kwa kumkata sehemu za kichwani na shingoni
hadi kupelekea umauti wake.
Chanzo
cha mauaji hayo bado kujulikana. aidha, Jeshi la Polisi kwa kushirikiana na
wanakijiji cha ibindi linafanya msako ili kuweza kuwabaini wahusika wa tukio
hilo.
Hata
hivyo,Kamanda wa Polisi Mkoani Katavi anatoa wito kwa wananchi kuacha mara moja
tabia ya kujichukulia sheria mikononi kwa kutoa uhali wa binadamu wenzao badala
yake wafate taratibu za kisheria katika kuwasilisha jambo au malalamiko dhidi
yao katika vyombo vya kisheria ili kushughulikiwa na kupatiwa ufumbuzi. Aidha,
anaitaka jamii iendelee kushirikiana na Jeshi la Polisi kutoa taarifa za
uhalifu na wahalifu ili kufanikisha operesheni na misako ya kuwabaini na
kuwakamata wote wa mauaji haya ili kuendelea kutokomeza vitendo vya namna hii
ndani ya jamii
MPANDA
Posted By:Issack Gerald | At:Monday, January
04, 2016
Na.Issack
Gerald-MPANDA
Mahakama
ya Mwanzo mjini Mpanda imemhukumu Bi. Agnes George (30) mkazi wa Kawajense
mjini Mpanda kwenda jela kwa siku kumi na nne,
baada ya kupatikana na hatia ya kumkatakata kwa nyembe nyuma ya viganja
mtoto wake mwenye umri wa miaka sita, akimtuhumu kuiba fedha.
Akitoa
ushahidi mahakama hapo, askari polisi wa kata, WP 3207 Copral Regina, ameiambia
mahakama kuwa tukio hili lilitokea tarehe 25 Mwezi Novemba mwaka 2015 majira ya
saa 3 asubuhi, alipigiwa simu na mwenyekiti wa mtaa wa Kawajense Bw. William
Richard maarufu maka Jumapili akimtaarifu kuwa mtaani kwake kuna mama
amekatakata mwanaye kwa wembe na alienda kwenye eneo la tukio la kumkuta
mtuhumiwa akiwa amewekwa chini ya ulinzi na mama wneye nyumba, pamoja na akina
mama wengine watano.
Amesema
alimweka chini ya ulinzi na alishuhudia mtoto aliyejeruhiwa akiwa anatokwa na
damu nyuma ya viganja vya mikono yake huku nyama nyeupe ikiwa inaonekana.
Mtuhumiwa
alibebwa kwenye bajaji kwa ushirikiano na mwenyekiti wa mtaa, hadi kituo cha
polisi mjini Mpanda kwa hatua zaidi za kisheria.
Copral
Regina ameiambia mahakama hiyo kuwa, baada ya kugundua mtoto aliyejeruhiwa ana
umri mdogo na hawezi kujieleza aliamua kumfungulia Agnes George shtaka la
kujeruhi na hati ya matibabu ilitolewa na mtoto huyo alipelekwa hospitali na
mshtakiwa baada ya kupewa dhamana.
Taratibu
za kumfikisha mahakamani mtuhumiwa zilifanyika na hatimaye leo amefikishwa
katika mahakama ya mwanzo mjini Mpanda ili kujibu mashtaka yanayomkabili.
Mshtakiwa
amekiri kutenda kosa hilo mbele ya hakimu wa mahakama hiyo Bw. David Mbembela
na kwamba ushahidi uliotolewa ni wa kweli.
Hakimu Mbembela amesema mshtakiwa ametiwa hatiani
chini ya kifungu cha sheria namba 228 namba 2. Akijitetea mahakamani hapo
Mshitakiwa Agnes George aliiomba mahakama imsamehe kwa kosa la kujeruhi mtoto
wake na kwamba hatarudia tena hata kama mtoto huyo akirudia kuiba fedha
atamfikisha polisi.
Akitoa
hukumu Hakimu Mbembela amesema kulingana na kosa alilotenda mshtakiwa adhabu
yake ni kutumikia kifungo cha miaka mitatu jela, lakini kwa kuwa ni mkosaji wa
mara ya kwanza ingawa mazingira yanaonesha alifanya kosa la unyanyasaji na
hakupaswa kujichukulia sheria mkononi, hivyo mahakama imezingatia maslahi na
umri wa mlalamikaji kwa kuwa bado anamtegemea mshtakiwa.
Mahakam
hiyo imemhukumu kifungo cha siku 14 gerezani ili iwe fundisho kwa watu wenye
tabia za unyanyasaji na kuagiza polisi ishirikiane na maafisa ustawi wa jamii
kuhakikisha mhanga anapata uangalizi na pindi akitoka gerezani itabidi alipe
gharama zitakazotumika kwa matunzo ya mtoto wake wakati akiwa gerezani.
Posted By:Issack Gerald | At:Monday, January
04, 2016
Na.Issack Gerald.
WAZIRI MKUU Kassim Majaliwa
amefurahishwa na hali ya chakula mkoani Ruvuma, ikiwa kati ya mikoa
inayotegemewa kwa uzalishaji wa chakula kwa wingi nchini.
Akizungumza na viongozi wa Chama Cha
Mapinduzi (CCM) na Serikali jana jioni (Jumapili, Januari 3, 2016) katika
ukumbi uliopo Ikulu ndogo Songea, Waziri Mkuu ameutaka uongozi wa
mkoa kuhakikisha kuna upatikanaji wa masoko kwa mazao mbalimbali pamoja
na kuendelea kutoa msukumo kwa wananchi.
Pia, amewapongeza viongozi wa mkoa
huo kwa kutoa msukumo kwa wananchi na kufanyakazi, na kusema ni jambo
linalosaidia kupanda kwa pato la mtu mmoja mmoja, hata hivyo hakusita
kuwashukuru kwa mapokezi makubwa aliyopata.
“Nawapongeza sana wana Ruvuma kwa
kuongeza pato la ndani kutoka kutoka shilingi 654,227, hadi kufikia shilingi
1,800,000 kwa kipindi cha mika 4 tuendelee kujiweka vizuri kwa kuongeza pato la
mtu mmoja mmoja” alisema Waziri Mkuu.
Waziri Mkuu Majaliwa pia
amesisitiza kilimo cha umwagiliaji katika maeneo yote yenye mabonde ili
wakulima waweze kuvuna bila kutegemea sana kipindi cha masika. Amesema ni
lazima kuimarisha huduma muhimu na kusisitiza matumizi mazuri ya fedha
zinazopatikana katika mazao hayo.
Kwa upande wake, Mkuu wa Mkoa wa Ruvuma, Said Thabit
Mwambungu amesema zaidi ya asilimia 90 ya wananchi wa Ruvuma hutegemea
kilimo cha mazao mbalimbali ya chakula na biashara yakiwemo
mahindi, mpunga ambao unalimwa sehemu za Tunduru na Songea vijijini,
korosho ambazo zinalimwa sehemu za Tunduru, Namtumbo, Nyasa, Mbinga na
Songea vijijini na tumbaku maeneo ya Namtumbo,Mbinga
na Songea vijijini.
Alisema, Ruvuma imekua ikizalisha
chakula kwa kiwango cha utoshelezi na ziada kwa kipindi cha mwaka 2012 - 2013,
2013 - 2014 hali hiyo imeendelea kuwa nzuri hadi kipindi cha mwaka 2015 - 2016.
Mahitaji yakiwa ni tani 469,172 na ziada ikiwa tani 1,950,111, ametaja baadhi
ya sababu za ongezeko hilo la tani ni pamoja na matumizi ya dhana
bora za kilimo, matumizi ya pembejeo za kisasa na urahisi wa upatikanaji wa
pembejeo, aliongeza Mkuu wa Mkoa.
Waziri Mkuu Majaliwa ambaye jana
(Jumapili, Januari 3, 2016) ameanza ziara ya kikazi ya siku nne mkoani Ruvuma,
kesho siku ya jumatatu atakuwa na shughuli za kufungua tawi
la Benki ya Posta mjini Songea, kukagua maghala ya Wakala wa Taifa
wa Hifadhi ya chakula (NFRA) kanda ya Songea na kukagua Makao
Makuu ya Halmashauri ya Wilaya ya Songea.
Kupitia ziara hii Serikali ina lengo
la kuona hali halisi ya utendaji wa shughuli za maendeleo kutoka kwa watendaji
mbalimbali, kuwatia moyo na kuweka msisitizo katika maeneo yaliyopewa
kipaumbele hasa katika sekta ya Afya.
Posted By:Issack Gerald | At:Tuesday, January
05, 2016
Na.Issack
Gerald-Geita
Viongozi
wa Mkoa wa Geita wametakiwa wasiwaonee aibu kuwafungia wafanyabiashara
wasiofuata kanuni za usafi wa mazingira na hivyo kupelekea mlipuko wa
kipindupindu.
Hayo
yamesema na Waziri wa Afya,Maendeleo ya Jamii,Jinsia, Wazee na Watoto, Ummy
Mwalimu wakati alipotembelea kambi ya wagonjwa ya kipindupindu iliyopo kwenye
kituo cha afya Nyankumbuli mjini Geita.
Waziri
Ummy alisema mlipuko wa kipindupindu upo
hivyo kuwafumbia macho wale ambao wanafanya biashara katika mazingira yasiyo
safi na salama lazima watu hao wafungiwe
“
Wanasiasa wenzangu inabidi mtuelewe ,hivi
sasa kuna mlipuko wa ugonjwa wa kipindupindu katika mikoa ishirini na
moja na ni haki ya kuhakikisha afya za wananchi zipo safi na salama hivyo
tutaruhusu biashara zilizopo kwenye mazingira safi na salama na endapo tutakua
tumejiridhisha kwamba wafanyabiashara
wamezingatia kanuni za usafi wa mazingira”
Aidha, ameupongeza mkoa wa Geita kwa jitihada
za kudhibiti wagonjwa wapya kwa wiki hii kuliko wiki iliyopita ambapo kwa wiki
hii kuna wagonjwa wapya wanne,ukilinganisha na wagonjwa nane wa wiki
iliyopita,hivyo ameutaka mkoa kuendelea
kutoe elimu kwa wananchi kuhusu ugonjwa huu.
Wakati
huohuo waziri Ummy amewataka watumishi wote wa kada za afya nchini kufanya kazi
kwa mujibu wa maadili na kwa kuzingatia viapo vya fani zao wakati wanapotoa
huduma kwa wananchi
Ummy
alisema serikali haitowaonea aibu
kuwachukulia hatua kali kwa kila mtumishi atakayetoa lugha mbaya na
kukiuka maadili ya kazi zao wakati wa kutoa huduma kwa wananchi.
“Hatua
kali tutachukua kwa yule atakayebainika ametoa lugha isiyostahiki na
inayomdhalilisha mgonjwa, hatutomvumilia
kwakweli na hili tutashirikiana na wenzetu wa Tamisemi kulifanyia kazi.
Awali,
akisoma taarifa ya Mkoa wa Geita kuhusu hali ya kipindupindu ,Mganga Mkuu wa
mkoa Dkt. Joseph Kilasa alisema Mgonjwa wa kwanza alipatikana mwezi wa tisa
mwaka jana ambapo walipata mgonjwa wa
kwanza toka mji wa katoro ambaye alitokea jijini dare es salaam.Hadi sasa
wamepata jumla ya wagonjwa 116 na watu saba
7 walipoteza maisha
KAMANDA
WA POLISI RUKWA AZUNGUMZIA HALI YA USALAMA SIKUKUU ZA KRISMASI NA MWAKA
MPYA,ASEMA MATUKIO MAKUU MAWILI YALITIKISA MWAKA 2015
Posted By:Issack Gerald | At:Tuesday, January
05, 2016
Na.Issack
Gerald-SUMBAWANGA
Jeshi
la Polisi Mkoani Rukwa limesema kuwa,hakuna matukio matukio ya uharifu
yaliyotokea katika kipindi chote cha msimu wa sikukuu za kuuaga mwaka 2015 na
kuukaribisha mwaka 2016.
Hayo
yamebainishwa na Kamanda wa Polisi Mkoani
Rukwa SACP Jacob Mwaruanda wakati akizungumza na P5 TANZANIA MEDIA Kwa
nji aya simu,kuhusu Tathmini ya hali ya usalama katika sikukuu za krismas
Desemba 25 na mwaka mpya 2016.
Amesema
kuwa tukio pekee lililotokea msimu wa sikukuu ni linamhusisha mtu mmoja mtembea
kwa mguu aliyekufa baada ya kugongwa na pikipiki Mjini Sumbawanga.
Aidha
Kamanda Mwaruanda amesema,matukio makubwa yalitokea kwa mwaka 2015 ni pamoja na
Mauaji ya mtoto mwenye ulemavu wa ngozi Albino na kuchomwa vifaa vya kupigia
kura pamoja na gari wakati wa uchaguzi wa mwaka jana wa urais,ubunge na
udiwani.
Katika matukio ya mauaji ya watu
wenye ulemavu wa ngozi albino Mkoani Rukwa,ni pamoja na tukio la mwezi machi
mwaka 2015 ambapo Mtoto mwenye ulemavu wa ngozi albino Baraka Cosmas (6)
aliyekuwa akiishi na wazazi wake kijijini Kipeta, Bonde la Ziwa Rukwa wilayani
Sumbawanga alishambuliwa na kujeruhiwa vibaya kwa kukatwa kiganja cha mkono
wake wa kulia na watu wasiojulikana kisha kutokomea nacho kusikojulikana.
Hata hivyo Kamanda Mwaruanda amesema
mashauri ya watuhumiwa wa ukatiri kwa mtoto huyu mwenye albino yanaendelea
mahakamani.
Wakati huo huo wakazi wa Mkoa wa
Rukwa,wametakiwa kushirikiana na Polisi kwa kuripoti matukio ya uharifu kabla
hayajasababisha madhara kwa watu.
Posted By:Issack Gerald | At:Wednesday,
January 06, 2016
Na.Issack
Gerald-MPANDA
JUMLA ya Walimu 120 wa Shule za msingi kutoka halmashauri 8
za Mikoa ya Rukwa, Kigoma na Katavi
wanashiriki mafunzo ya kuwajengea uwezo walimu na wanafunzi katika ufundishaji
na ujifunzaji ili kuboresha taaluma na kuongeza kiwango cha Ufaulu kitaifa.
Akifungua Mafunzo hayo katika Shule
ya Sekondari Mwangaza Manispaa ya Mpanda Mgeni rasmi, Kaimu Afisa Elimu Mkoa wa
Katavi Said Mwapongo, amewataka walimu walioshiriki mafunzo kuhakikisha
wanawajengea uwezo walimu wenzao ambao hawakushiriki mafunzo hayo.
Mafunzo hayo yanalenga walimu wa
masomo ya Kiswahili, kingereza na hisabati, ikiwa Sehemu ya mpango wa Matokeo
makubwa sasa (BRN), yalioandaliwa na Wizara ya Elimu na Mafunzo ya Ufundi, na
yameanza Januari 4 na yatamalizika
Januari 8 mwaka huu.
Baadhi ya wajumbe wa semina hiyo
wamesema kuwa,walimu hao kupatiwa mafunzo hayo kutaongeza ufanisi katika
kutekeleza haraka mpango wa Mtokeo Makubwa sasa na kupunguza idadi ya wanafunzi
wanaoshinwa kufaulu mithani kwa kiwango kikubwa.
Hivi karibuni Wakati Mkoa wa Katavi
ukishika nafasi ya kwanza kitaifa katika matokeo ya darasa la saba,Mkoa jirani
wa Rukwa kwa mjibu wa Mkuu wa Mkoa wa mkoa huo Magalula Said Magalula,amesema
mkoa huo umeshika nafasi ya tatu kutoka mwisho katika shule za msingoi
zilizofanya mtihani wa darasa la saba kwa mwaka 2015.
Posted By:Issack Gerald | At:Wednesday,
January 06, 2016
Na.Issack
Gerald
Waziri wa Maliasili na Utalii Prof.Jumanne Maghembe amemsimamisha kazi
Mkurugenzi wa Mipango na Matumizi Endelevu ya Rasilimali za Misitu wa Wakala wa
Huduma za Misitu Tanzania (TFS) Bw.Mohammed Kilongo na Maofisa wa Misitu wa
Mikoa nchi nzima kupisha uchunguzi wa upotevu wa mapato ya Serikali.
Akizungumza jana na Waandishi wa Habari Makao Makuu ya Wizara hiyo Dar
es Salaam, Prof. Maghembe amesema agizo hilo limekuja kutokana na ubadhilifu
unaofanywa na Maofisa wa ukusanyaji wa maduhuri ya Serikali yanayotokana na
rasilimali za misitu katika Mikoa na Wilaya kwa kutowasilishwa katika mfuko
Mkuu wa Serikali.
Ameagiza pia maofisa hao wote wanaokusanya mapato ya Serikali katika
Wilaya watumie muda wa siku kumi kuanzia
jana kuhakikisha mapato yote yaliyokusanywa yanapelekwa benki ikiwa ni pamoja na kukabidhi vitabu vya kukusanyia mapato kinyume cha hapo watachukuliwa hatua
kali za kisheria.
jana kuhakikisha mapato yote yaliyokusanywa yanapelekwa benki ikiwa ni pamoja na kukabidhi vitabu vya kukusanyia mapato kinyume cha hapo watachukuliwa hatua
kali za kisheria.
Kwa mujibu wa Waziri Maghembe Bw.Mohammed Kilongo ambaye Idara yake
ndiyo inatoa vitabu kwa ajili ya kukusanya
maduhuri ya Serikali katika Mikoa yote na Wilaya zote nchini analazimika kusimamishwa kazi kupisha uchunguzi ambapo ukikamilika sheria itachukua mkondo wake bila uonevu wowote.
maduhuri ya Serikali katika Mikoa yote na Wilaya zote nchini analazimika kusimamishwa kazi kupisha uchunguzi ambapo ukikamilika sheria itachukua mkondo wake bila uonevu wowote.
Katika hatua nyingine Waziri huyo wa Maliasili na Utalii amewaagiza pia
Wakala wa Huduma za Misitu nchini (TFS)
kutumia muda wa siku saba kurudi katika jengo la Wizara ya Maliasili na Utalii maarufu kama Mpingo House ambalo walihama mwishoni mwa mwezi Septemba mwaka
jana na kwenda kupanga katika jengo la NSSF Mafao House lililopo Ilala.
kutumia muda wa siku saba kurudi katika jengo la Wizara ya Maliasili na Utalii maarufu kama Mpingo House ambalo walihama mwishoni mwa mwezi Septemba mwaka
jana na kwenda kupanga katika jengo la NSSF Mafao House lililopo Ilala.
Ameitaka pia Idara ya Misitu na nyuki kupitia Wakala wa Huduma za
Misitu (TFS) kuhakikisha kuwa inaongeza ukusanyaji wa mapato ya Serikali kwa
kuziba mianya yote ya ubadhilifu pamoja na kuanzisha vyanzo vipya vya mapato na
kuboresha vyanzo vilivyopo.
Akizungumzia mchango wa Wakala wa Huduma za Misitu (TFS) kwenye pato la
taifa Mtendaji Mkuu, Bw. Juma Mgoo
amesema katika mwaka huu wa fedha,TFS imeweka makisio ya kukusanya Tsh.Bilioni 88 ambapo mpaka hivi sasa wameshakusanya zaidi ya asilimia 20 na makisio hayo.
amesema katika mwaka huu wa fedha,TFS imeweka makisio ya kukusanya Tsh.Bilioni 88 ambapo mpaka hivi sasa wameshakusanya zaidi ya asilimia 20 na makisio hayo.
Aidha Waziri Maghembe akizungumzia kuhusu uvamizi kwenye hifadhi za
taifa na mapori ya akiba,amewataka wananchi
wote waliovamia maeneo ya hifadhi za taifa kwa ajili ya kuchunga mifugo kuondoka ndani ya siku saba zijazo, hku waliovamia mapori ya akiba kwa shughuli za kilimo na ufugaji wakitakiwa ndani ya miezi mitatu ijayo.
wote waliovamia maeneo ya hifadhi za taifa kwa ajili ya kuchunga mifugo kuondoka ndani ya siku saba zijazo, hku waliovamia mapori ya akiba kwa shughuli za kilimo na ufugaji wakitakiwa ndani ya miezi mitatu ijayo.
RUVUMA
Posted By:Issack Gerald | At:Wednesday,
January 06, 2016
Na.Issack
Gerald-Ruvuma
Waziri Mkuu Kassim Majaliwa
ametembelea kiwanda cha kusindika tumbaku cha mkoani Ruvuma na
kuwasimamisha kazi viongozi wa Chama Cha Kikuu Cha Ushirika cha SONAMCU.
Akizungumza jana katika ukumbi
wa mikutano wa Ikulu Ndogo ya Songea, wakati alipokutana na wakulima wa zao la
tumbaku wa Wilaya ya Namtumbo, Wananchama wa Vyama Vya Ushirika vya Mkoa wa
Ruvuma, viongozi wa Mkoa pamoja na Naibu Waziri wa Ujenzi, Uchukuzi na
Mawasiliano Edwin Ngonyani ambaye ni Mbunge wa Jimbo la Tunduru Kaskazini.
Waziri Mkuu amesema, Serikali ina
dhamira ya kufufua kiwanda cha kusindika tumbaku cha SONAMCU, na lengo la
kutembelea kiwanda hicho ni katika utekelezaji wa agizo la Rais John Pombe
Magufuli la kufufua viwanda nchini.
Waziri Mkuu Majaliwa, ametembelea
maeneno mbalimbali ya kiwanda hicho na kukagua mitambo iliyokua ikitumika
kusindika tumbaku, kabla kiwanda hicho kuzimwa miaka kadhaa iliyopita
baada ya kukosa malighafi za kuendelea na uzalishaji.
Pia, amemtaka Afisa Biashara kutoka
Wizara ya Viwanda na Biashara Bibi. Stela Lugongo kuandaa na kuwasilisha kwake
mkakati wa kufufua kiwanda hicho cha kusindika tumbaku, na baadae kuwasimamisha
kazi viongozi wote wa Chama Kikuu cha Ushirika cha SONAMCU waliohusika na
tuhuma hizo na kutaka wafikishwe Mahakamani.
“Serikali imeazimia kufufua viwanda,
hasa vile ambavyo havina wawekezaji vimebaki vyenyewe, Tunahitaji kujua namna
ya kuvifufua”. Alisema Waziri Mkuu huku akishangiliwa.
Waziri Mkuu Majaliwa pia,
amesikiliza na kujibu kero mbalimbali za wakulima wa tumbaku wa Mkoa huo,
ambao walilalamikia mfumo wa Vyama vya Ushirika na namna ambavyo vyama
hivi vimekua vikiwaibia fedha zao hadi kushindwa kuendelea kulima zao la
tumbaku na kukosa masoko ya mazao yao.
Aidha, Waziri Mkuu amewasihi
wakulima kuwa watulivu na kusubiri maamuzi ya Mahakama baada ya kuwa viongozi
wa Chama cha Ushirika SONAMCU ambao wamehusika na wizi wa fedha za wakulima
kiashi cha Shilingi milioni 800 kwa kipindi cha mwaka 2011 hadi 2014 tayari
wamefikishwa Mahakamani na uchunguzi unaendelea. Pia, amemwagiza Mkuu wa Mkoa
wa Ruvuma Said Thabit Mwambungu kukutana na wakulima hao ili kupatia ufumbuzi
matatizo yao.
Aidha, ametoa wito kwa wakulima
kuendelea kulima zao la tumbaku kwa kuwa linaongeza pato la mtu mmoja mmoja,
linasaidia kuchangia pato la Mkoa na kukua kwa uchumi wa nchi. Amewashauri
wakulima kuunda na kuviendesha Vyama Vya Ushirika kwa kuzingatia sheria,
kanuni na taratibu zilizopo.
Waziri Mkuu amemaliza ziara yake
mkoani Ruvuma, atafanya majumuisho ya ziara hiyo leo, kabla ya kuagana na
viongozi wa Chama na Serikali na kurejea jijini Dar es Salaam.
Posted By:Issack Gerald | At:Wednesday,
January 06, 2016
Na.Issack Gerald-Mlele Katavi
Watu
watatu wamekufa katika matukio mawili tofauti Wilayani Mlele Mkoani Katavi
likiwemo tukio la baba na mwanae kuliwa na samba jike mzee.
Katika
tukio la kwanza,akithibitisha kutokea kwa tukio hilo,Kamanda wa Polisi Mkoani
Katavi Dhahiri Kidavashari amesema kuwa tukio hilo limetokea mnamo Januari 4
mwaka huu majira ya saa ya saa 3 usiku katika maeneo ya kitongoji cha makaburi
wazi kata ya Starike Tarafa ya Nsimbo Wilayani Mlele Mkoa wa Katavi.
Kidavashari
amesema,wawili waliofahamika kwa majina ya
John Jeremiah (41) mkazi wa Matandarani na Patrick John (05) ambaye ni
mtoto wa marehemu John Jeremiah wote kwa pamoja waliuawa kwa kushambuliwa
vikali na simba jike mzee.
Kamanda
Kidavashari amesema,katika tukio hilo,simba huyo alifika katika nyumba ya
marehemu ya John Jeremiah ambayo ni kambi ya muda kwa ajili ya
uangalizi wa mashamba na kuanza kushambulia kuku wawili, ambapo punde aliingia
ndani ya kaya ya marehemu John Jeremiah na kumshambulia vibaya sehemu za siri,
shingoni na kichwani ambapo licha ya kupiga kelele za kuomba msaada ziliweza
kusikika kwa majirani hakupata msaada wa haraka kuokoa maisha yake.
Baada
ya hapo simba huyo alimchukua marehemu Patrick John mpaka vichakani na kuanza
kumla nyama ambapo Mpaka kufikia
alfajiri ya siku ya tukio kabla ya simba huyo kuuawa,alikuwa amembakiza
marehemu kichwa na mikono.
Kuhusiana
na tukio hilo,Kamanda Kidavashari amesema Jeshi la Polisi kwa kushirikiana na
askari wa wanyama pori TANAPA walifanya msako na kufanikiwa kumkuta simba huyo
akiendelea kumla nyama Patrick John ambapo hata hivyo samba huyo aliuawa.
Katika
tukio la Pili,mtu mwingine aliyefahamika kwa jina la Heleni Malelemba(40) mkazi
wa kitongoji cha Uzumbura aliuawa kwa kukatwa na kitu chenye ncha kali shingoni
na kichwani na watu wasiojulikana.
Aidha
Kamanda wa Polisi Mkoani Katavi Dhahiri Kidavashari amesema kuwa tukio
hilo,limetokea Januari 4 mwaka huu majira ya saa saba usiku katika kitongoji
cha Uzumbura kijiji cha Ikuba, Tarafa ya Mpimbwe, Wilayani Mlele.
Amesema
kuwa,siku ya tukio,marehemu alikuwa anaendesha pikipiki aina ya TOYO rangi
Nyekundu isiyokuwa na namba za usajili akitokea senta ya usevya kuelekea
nyumbani kwake Uzumbura, ambapo akiwa njiani ndipo alipoviziwa na watu
wasiojulikana na kufanyiwa mauaji hayo kisha watuhimiwa kutokomea
kusikojulikana pasipo kuchukua pikipiki ya marehemu.
Chanzo cha tukio hili bado hakijafahamika na
upelelezi unaendelea kwa kushirikiana na wakazi wa eneo la Tarafa ya Mpimbwe
ili kubaini sababu iliyopelekea
mauaji haya ambapo Mpaka sasa hakuna watu walioshukiwa na kukamatwa kuhusiana
na tukio hili ili sheria iweze kuchukua mkondo kwa wahusika wote.
Kufuatia
matukio hayo,Kamanda wa Polisi Mkoa wa Katavi anatoa wito kwa wananchi hasa
wakulima na wafugaji ambao shughuli zao huzifanya au hutegemea porini au
mazingira karibu na mbuga za wanyama,kuzingatia usalama wao kwanza kwa
kuhakikisha wanakuwa makazi imara na salama dhidi ya wanyama wakali wa porini.Pia,
anaendelea kuwaonya watu wanaopenda kujichukulia sheria mikononi kuwa hatua
kali za kisheria zitaendelea kuchukuliwa dhidi yao.
MWANZA
Posted By:Issack Gerald | At:Wednesday,
January 06, 2016
Na.Issack Gerald-Mwanza
Watu
wawili akiwemo askari wa Jeshi la Polisi
wanashikliwa na jehi la polisi kwa
makosa ya mauaji katika maeneo tofauti Mkoani Mwanza.
Kamanda
wa Polisi Mkoani Mwanza Justus
Kamugisha amesema katika tukio la kwanza,Askari
wa Jeshi la Polisi PC F.4965 Joel Francis (41)wa kambi ya polisi Mabatini wilayani Nyamagana mkoani Mwanza anashikiliwa
na Polisi kwa tuhuma za mauaji dhidi ya Rafiki yake.
Kamanda
wa Polisi Mkaoni humo SACP Justus Kamugisha amemtaja aliyeuwawa kuwa ni Donald
Magalata(30)aliyekuwa milinzi wa Mwanza hoteli ambapo amesema,tukio hilo
limetokea Januari mosi mwaka huu.
Kamanda
Kamugisha ameeleza kuwa PC Francis, januari mosi mwaka huu majira ya saa 7:00
usiku alimfunga pingu miguuni ndani mwake na kumpiga kwa madai kuwa pochi
yake iliyokuwa na vitu vyake
haikuonekana na kuhisiwa kuwa aliiba.
Hata
hivyo Marehemu alijaribu kuomba msaada kwa majirani ambapo walifika eneo la
tukio na kumpeleka hospitali ya Rufaa ya Bugando na kufariki dunia usiku wa
kuamkia januari 02 mwaka huu.
Aidha Kamanda Kamgisha ameeleza kuwa Mtuhumiwa
anashikiliwa na polisi na atafikishwa mahakani pindi uchunguzi wa tukio hilo
utakapo kamilika.
Wakati
huo huo katika tukio la pili,Kamanda Kamgisha amesema,Mwana mme moja mkazi wa
Izunge Bwiro wilayani Ukerewe mkoani Mwanza anashikiliwa na polisi kwa tuhuma
za mauaji baada ya kugombania mwanamke
katika ukumbi wa disco kijijini humo.
Kamanda
wa polisi mkoani Mwanza SACP Justus Kamugisha amesema kuwa tukio hilo limetokea
January 2 mwaka huu majira ya saa 6 usiku na kumhusisha Bw Michael Charles(26)
aliyemuua Ngereja Mashenene(30).
Kamanda
Kamugisha ameeleza kuwa Bw Michaele Charles alimchoma kisu kifuani Bw Ngereja baada ya kugombania mwanamke katika
ukumbi wa Disko jina lake limehifadhiwa na baadae akafariki dunia wakati
akipelekwa Hospitalini.
Aidha
Mtuhumiwa amekamatwa na upelelezi wa shauri hili utakapo kamilika atafikishwa
mahakamani kujibu tuhuma zinazo mkabuili.
MWANZA
Posted By:Issack Gerald | At:Wednesday,
January 06, 2016
Na.Issack Gerald-Mwanza
Muuguzi
wa Kituo kinacho toa huduma kwa watu wanaoishi na maambukizi ya Virus Vya
UKIMWI na Yatima Shalom Care House Jijini Mwanza Bi Edna Evarist amesema uelewa mdogo wa watu wanaoishi Na VVU ni changamoto katika
kudhibiti UKIMWI nchini.
Bi
Evaristi ameyasema hayo wakati
akizungumza na Redio Kwizera Juu ya kauli mbiu ya taifa chini ya wizara
ya afya na usitawi wa jamii kufikia sufuri tatu
katika kudhibiti maambukizi mapya ya VVU, vifo vitokanavyo na VVU Na
unyanyapaa.
Amesema
kuwa watu wenye virusi vya UKIMWI wengi wao wamekuwa wakiendeleza maambukizi
hayo kwa kuoa na kuolewa au kuanziasha mahusiano mapya bila kuwahusisha wenzi
wao huku wakijua hali zao kiafya na kusababisha maambukizi ya UKIMWI nchini kuendelea.
Aidha
mratibu wa kituo hicho Bw Msafiri Wana amesema kuwa Idadi ya watoto yatima
kutokana na vifo vianavyo sababishwa na Ukimwi imepungua baada ya jamii kujua
umuhimu wa matumizi sahihi ya dawa za punguza
makali ya VVU.
Posted By:Issack Gerald | At:Wednesday,
January 06, 2016
Na.Issack
Gerald-Dar es Salaam
Waziri Mkuu Kassim Majaliwa amesema
Serikali haijaridhia viwango vipya vya nauli ya mabasi yaendayo kasi
vilivyopendekezwa na waendeshaji wa huduma ya mabasi yaendayo kasi Dar es
salaam (UDART).
Akizungumza leo na
waandishi wa habari, mara baada ya kuwasili katika Uwanja wa Ndege
wa Kimataifa wa Mwalimu Julius Nyerere jijini Dar es salaam akitokea
mkoani Ruvuma kwa ziara ya siku 3, Waziri Mkuu amesema Serikali haijaridhia
viwango vipya vya nauli ya mabasi yaendayo kasi ambapo nauli ya kutoka Mbezi
hadi Kimara shilingi 700, Mbezi hadi Kariakoo shilingi 1200, na nauli ya kutoka
Mbezi hadi Mwenge shilingi 1400 na wanafunzi watatozwa nusu ya viwango hivyo
vya nauli.
Waziri Mkuu amesema gharama hizi ni
kubwa mno kwa wananchi na watumishi huku mradi huo ukiwa umelenga kumrahisishia
mtumishi wa Serikali anayeishi nje ya jiji, “Serikali iliwekeza katika mradi
huu ili kusaidia watumishi na wananchi ambao hawana vipato vikubwa” alisema
Waziri Mkuu.
Aidha, ameagiza Waziri wa Nchi Ofisi
ya Rais anayeshughulikia Tawala za Mikoa na Serikali za Mitaa George
Simbachawene na Waziri wa Ujenzi , Uchukuzi, na Mawasiliano pamoja
na wadau wakutane kupanga upya viwango hivyo na kama watashindwa
basi Serikali itaendesha mradi huo.
Tarehe 25, Novemba 2015,
Waziri Mkuu alimuagiza aliyekuwa Katibu Mkuu Wizara ya TAMISEMI na waendeshaji
wa mradi wa mabasi yaendayo kasi Dar es salaam (UDART) kupitia misuada
yote na kurekebisha miundombinu ili mradi huo wa mabasi uanze kufanya
kazi ifikapo tarehe 10, Januari 2016, imebainika kwamba UDART hawakuandaa
mpango wa biashara wala kuanisha gharama za uendeshaji.
Posted By:Issack Gerald | At:Wednesday,
January 06, 2016
Na.Issack Gerald-Dar es Salaam
Jengo la
Wizara ya mambo ya ndani makao makuu ya jeshi la Polisi,limenusulika kuteketea
kwa moto na kusababisha kazi za jeshi hilo kusimama kwa muda,kutokana na
wafanyakazi na viongozi wa jeshi hilo kutoka nje ya jengo kufuatia ya tahadhari
ya moto kutolewa.
Msemaji wa Jeshi la Polisi,
Mratibu Mwandamizi wa Polisi, Tanzania Advera Bulimba,amesema
kuwa cheche za moto zilianza kuonekana Ghorofa ya nne,ambapo hata hivyo moto
huo umedhibitiwa na kikosi jeshi la uokozi na zimamoto.
MPANDA
AFIKISHWA MAHAKAMANI MPANDA KWA TUHUMA ZA UHARIBIFU WA MALI NA KUTELEKEZA FAMILIA.
Posted By:Issack Gerald | At:Thursday,
January 07, 2016
Na.Issack Gerald-MPANDA
Mtu
mmoja mkazi wa mtaa wa Kasimba manispaa ya Mpanda jana amefikishwa katika
mahakama ya mwanzo mjini Mpanda akikabiliwa na shtaka la kuharibu mali na
kutelekeza familia.
Hakimu
wa mahakama ya mwanzo mjini Mpanda Bw. David Mbembela amemtaja mshtakiwa kuwa ni
Juma Balison mwenye umri wa miaka 27, na kwamba alitenda kosa hilo tarehe 30
mwezi desemba mwaka 2015.
Amemtaja
mlalamikaji katika kesi hiyo kuwa ni Magreth Joseph, na inadaiwa kuwa mshtakiwa
aliharibu vyombo vya ndani ambavyo ni ndoo sita za plastiki na masufuria manne
kwa kuviponda ponda kwa nyundo.
Inadaiwa
pia kuwa mshtakiwa alikataa kutunza watoto aliozaa na mlalamikaji Bi. Magreth
Joseph. Hata hivyo, mshtakiwa Juma Balison amekana shtaka hilo na kesi hiyo
imeahirishwa na itatajwa tena tarehe 17 mwezi huu.
Posted By:Issack Gerald | At:Saturday, January
09, 2016
Na.Lutakilwa-Lutobeka-Katavi
MAAFISA
15 wa jeshi la polisi mkoani Katavi wametunukiwa vyeti maalum vya utendaji kazi
katika maadhimisho ya siku ya polisi yaliyofanyika leo mjini Mpanda.
Akitunuku
vyeti hivyo Kamishna msaidizi wa jeshi la polisi kamanda Dhahiri Kidavashali amesema kutokana
na kazi kubwa waliyofanya maafisa hao, kubaini matukio mbalimbali ya kiuharifu
ni bora wakawapa vyeti hivyo kama motisha.
Mbali
na kutunuku vyeti kamanda Kidavashali ametumia sherehe hizo kama sehemu ya
kutathmini kazi zilizofanywa na jeshi kwa mwaka mzima wa 2015 ili kubaini
mafanikio na mapungufu.
Wananchi
waliohudhuria sherehe hizo wameelezea kufurahishwa na utendaji kazi wa jeshi la
polisi kwa mwaka 2015, kwani askari wamekuwa marafiki wa wananchi.
Sherehe
hizo za POLICE DAY ambazo zimefanyika katika viwanja vya polisi Wilayani
Mpanda, zilihusisha michezo mbalimbali ikiwemo riadha na kucheza ngoma.
Hata
hivyo Mkoani Katavi,kumekithiri matatizo ya watu kuuwawa mara kadhaa katika
maeneo mbalimbali ya Mkoa wa Katavi ambapo watu hawa huuwawa na watu
wasiojulikana lakini pia wengine kuuwawa na wanyama wakali kama simba.
Karibu
watu 10 wamepoteza maisha katika mazingira ya kutatanisha wengingi wao wakiwa
ni wanaume.
Hata
hivyo jeshi la polisi limesema kuwa,kupitia sherehe hizo,limewasihi wananchi
kuendelea kutoa ushirikiano kwa jeshi la polisi kuwabaini waharifu kabla
ya athari kutokea kwa binadamu.
Maadhimisho
siku ya polisi mkoani katavi yamefanyika
yakiwa na kauli mbiu “UTII WA SHERIA BILA SHURUTI, KATAVI BILA UHARIFU
INAWEZEKANA”.
TUME YA ARDHI MPANDA YATOA TAARIFA YA UCHUNGUZI MIGOGORO YA ARDHI KWA BAADHI YA VIJIJI
Posted By:Issack
Gerald | At:Saturday, January 09, 2016
Na.Issack Gerald-Mpanda
TUME ya
uchunguzi wa migogoro ya ardhi imetoa taarifa baada ya kufanya uchunguzi katika
vijiji vya Ikaka, Nkungu na Kapalamsenga wilayani Mpanda.
Akitoa taarifa kwa waandishi wa
habari kuhusu maazimio yaliyofikiwa baada ya kupokea taarifa hiyo, Mkuu wa
wilaya ya Mpanda Bw. Paza Mwamlima amesema miongoni mwa maazimio ni pamoja na
halmashauri ya wilaya ya Mpanda kuwa na utaratibu wa kupima ardhi katika vijiji
na iwe inatoa ushauri wa kitaalam kwenye kamati za ardhi za vijiji.
Aidha, amemuagiza mkurugenzi wa
halmashauri ya wilaya ya Mpanda kupitia idara ya ardhi na maliasili afungue
mashtaka, baada ya uongozi wa kijiji cha Kapalamsenga, uliokuwepo kukiuka
sheria ya wanyamapori na kuuza eneo la Lyamgoloka kwa wananchi 52 mwaka 2013.
Maeneo hayo ni miongoni mwa maeneo mengi yenye
migogoro ya ardhi Mkoani Katavi ambapo mogogoro mingi wamekuwa wakilalamikiwa
idara ya ardhi kwa kupima kiwanja kwa zaidi ya mtu mmoja.
Comments