AMEHUKUMIWA KIFUNGO CHA MAISHA KWA KUBAKA MWANAFUNZI

-

Na.Issack Gerald-Katavi
Mahakama ya wilaya ya  Mpanda  Mkoani Katavi  imemuhukumu kifungo cha maisha Lazaro Ngomalala(50)mkazi wa  Kijiji cha Sibwesa  wilayani Tanganyika baada ya kumtia hatiani kwa kosa la kumbaka mwanafunzi wa darasa la pili(9)wa shule ya msingi Sibwesa.
Akisoma hukumu hiyo juzi,hakimu mkazi mfawidhi wa mahakama ya wilaya ya Mpanda Chiganga Tengwa alisema mahakama imeridhika na ushahidi wa  mashahidi  sita wa upande wa mashitaka  uliotolewa mahakamani hapo ukiwemo wa mwanafunzi aliyebakwa.
Kabla ya kutoa hukumu  hiyo Hakimu  Tengwa  alisema mtu  yoyote  anayefanya kitendo kama alichofanyiwa  mtoto huyo  anakuwa  amefanya kosa kwa mujibu wa kifungu cha sheria   namba 130(1)na(2) na kifungu cha  sheria namba 131(3) cha  kanuni ya adhabu.
Hakimu Tengwa  alisema  miongoni mwa ushahidi uliosababisha mahakama imtie hatiani mtuhumiwa ni  ushahidi  uliotolewa na mtoto aliyebakwa pamoja  na mtoto mwenzake mwenye umri wa miaka saba  licha ya kuwa na umri mdogo  walitoa ushahidi  kwa ufasaha  mkubwa dhidi ya tukio hilo.
Pia  Mahakama  ilijiridhisha na  ushahidi uliotolewa  na   muuguzi wa   Zahanati ya Sibwesa  aliyeamchunguza na kubaini kuwa kubaini mtoto  huyo  alikuwa  amembakwa  alimwanzishia dawa ya kuzuia  maambukizi ya virus vya ukimwi.
Katika kujitetea mtuhumiwa ,aliiomba  Mahakama  kumwachia huru akidai yeye  hakutenda kos  hilo  bali   alisingiziwa na  mama  mzazi wa mtoto huyo kwa kuwa  alikuwa akimdai fedha  alizomkopesha.
Baada ya  utetezi huo hakimu Tengwa  alisema kutokana   na mshitakiwa  kupatika  na  hatia Chini ya kifungu  cha   sheria namba131(3),mtu yoyote  atakae  mbaka  mtoto mwenye umri wa miaka chini ya (10)  adhabu yake ni kifungo cha maisha  jela.
Hivyo kutokana  na  mshitakiwa Ngomalala kupatikana  na  kosa  hilo  mahakama imemuhukumu kuanzia  jana  kutumkia kifungo cha  maisha jela.
Awali  kwenye  kesi  hiyo  Wakili wa  Serikali  Fravian  Shiyo  alidai   Mahakamani  hapo kuwa   Lazaro alitenda kosa  hilo Oktoba  12  mwaka  jana  majira ya saa 4 asubuhi kijijini hapo.
Ilidaiwa kuwa  siku ya  tukio  mshitakiwa  alikuta  mtoto aliyemtendea  kitendo  hicho  akiwa na mtoto  mwenzake wakiwa wanacheza  jirani na  nyumba yao ndipo  alipowadanganya wafuate  nyumbani kwake  ili akawape fedha wakanunue biscuit na  soda.
Mwanasheria  aliiambia  mahakama  hiyo baada ya kufanyiwa  kitendo  hicho mtoto  huyo  aliyebakwa alikwenda kutoa  taarifa kwa wazazi wake  huku akiwa  analia na wazazi wake walitoa  taarifa kwa askari  mgambo wa  kijiji ambaye alimkamata na kumfikisha kituo cha  polisi.
Habari zaidi ni P5TANZANIA LIMITED

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakati huo wazazi wake walikuwa wanafanya kazi.Alikulia jijini  Dar es Salaam, Tanzania .Alianza elimu y
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar
Read more