CWT NKASI-TUMECHOKA KUWAKINGIA KIFUA WALIMU WASIOKUWA NA NIDHAMU

-
CHAMA Cha Walimu  Tanzania (CWT) wilayani Nkasi mkoani Rukwa kimewanusuru walimu 19 kufukuzwa kazi kutokana na utovu wa nidhamu.

Akizungumza  jana katika mkutano mkuu wa CWT uliofanyika katika ukumbi wa Ngunga uliopo mjini Nkasi,mwenyekiti wa chama hicho Selis Ndasi alisema kuwa walimu wanakabiliwa na changamoto kubwa ya utovu wa nidhamu na kuwa inabidi wabadilike na kuwa kutokana na hilo ilikuwa walimu 19 wafukuzwe kazi lakini walikingiwa kifua na chama hicho.
Alisema chama hicho kimechoka kuwalinda walimu wahalifu na kuwa sasa wanatakiwa wabadilike wawe na nidhamu kazini na kutomkorofisha mwajiri na watambue kuwa hivi sasa serikali ni chungu na ukifanya kosa moja unafukuzwa kazi na kuwa kama wakiendelea kuzembea wengi watafukuzwa kazi.
Alisema miongoni mwa matatizo yanayo wakabili walimu ni utoro kazini,uzembe,ulevi na kutowaheshimu waajiri wao na kuwa sheria inaeleza kuwa mwalimu asikuwepo kazini siku tano mfululizo bila taarifa adhabu yake ni kufukuzwa kazi.
Mkuu wa idara ya utumishi wa Walimu TSC  Richard Kityega alisema kuwa idara ya ualimu imekua ikikabiliwa na changamoto ya utovu wa nidhamu na kuwa hadi sasa walimu 24 wameshafukuzwa kazi kwa makosa hayo na kuwa wataendelea kuwawajibisha walimu kama hao kwa kuwafukuza kazi.
Hivyo aliwaomba wawakilishi wa chama hicho mahali pa kazi kuwasaidia wanachama wenzao ambao ni Waalimu kuwaelekeza namna wanavyostahili  kuishi kwa kufuata kanuni za utumishi wa umma na kuachana na mazoea na kuwa idara yao haimuonei mtu na hadi kufikia hatua ya kumfukuza kazi Mwalimu kuna vitu vingi wanakuwa wamejiridhisha.
Naye Afisa elimu wa shule za msingi wilayani humo Misana Kwangullah kwa upande wake alidai kuwa walimu kama watumishi wa umma wajitahidi kufuata tu kanuni za utumishi na  kuwa wale watakaoendelea kuenenda kinyume na maadili sheria zipo na sasa zinafanya kazi.
Mjumbe wa kamati tendaji ya (CWT) ngazi ya taifa Juma Saidia aliwataka wawakilishi wa CWT mahala pa kazi kuwasimamia wenzao na kuwaonya juu ya kufuata misingi ya ajira yao vinginevyo watakwisha.
Alisema lengo la kuwapo kwa Chama Cha Walimu si kutetea maovu bali ni kuwalinda dhidi ya uonevu na kusimamia uwajibikaji na kuwa sasa chama hicho hakitakuwa tayari kumtetea Mwalimu ambaye ataonyesha utovu wa nidhamu na kushindwa kuwajibika vyema mahala pake pa kazi.

Habari zaidi ni www.p5tanzania.blogspot.com au ukurasa P5Tanzania Limited

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakati huo wazazi wake walikuwa wanafanya kazi.Alikulia jijini  Dar es Salaam, Tanzania .Alianza elimu y
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar
Read more