MAHAKAMA YAAMURU NDOA KUVUNJIKA WILAYANI MPANDA,WATATU WAFIKISHWA MAHAKAMANI KWA SHAMBULIO LA MWILI.

-

Na.Boniface Mpagape-Mpanda
MAHAKAMA ya Mwanzo mjini Mpanda juzi imeamuru mdai Leticia Seleman awe na uhuru wa kuishi peke yake au kuanzisha mahusiano mengine ya ndoa katika kesi ya madai ya talaka kutoka kwa aliyekuwa mmewe Makono Brash.
                                                 
Mahakamani

Akisoma hukumu hiyo, hakimu wa mahakama hiyo Bw. David Mbembela amesema mahakama imeona mdai Bi. Leticia Seleman hastahili kupewa talaka baada ya kushindwa kuithibitishia mahakama kama kuna ndoa inaendelea kati yao.
Madai hayo ya talaka yanatokana na Mdai Bi. Leticia Seleman kutaja sababu ambazo ni pamoja na kutelekezwa kwa muda mrefu, kutishiwa kuuawa na kwamba mdaiwa Bw. Makono Brash ameuza mazao na ng’ombe mali ya mdai.
Hukumu hiyo imetolewa katika mahakama hiyo bila uwepo wa mdaiwa licha ya kutumiwa wito kufika mahakamani hapo mara mbili na hakufika. Hakimu Mbembela amesema mdaiwa hakuwahi kufunga ndoa na walitengana tangu mwaka 2008 na katika maisha yao ya ndoa walipata watoto sita wanaoishi na mama yao.
Amesema ili mdai awe na uhuru huo, lazima kwanza uhusiano wa ndoa uvunjwe na mahakama kwa mujibu wa sheria. Mahakama hiyo imeona sababu zilizotolewa na mdai zinaangukia kwenye makosa ya ukatili wa kimwili na kisaikolojia, hivyo uhusiano wa ndoa umevunjika kiasi cha kutorekebishika.
Katika shauri jingine lilifikishwa katika mahakama hiyo jana, Watu watatu wa familia moja wakazi wa kamakuka Mnyagala wilayani Mpanda wameshtakiwa kwa kosa la shambulio la kudhuru mwili na kusababisha upotevu wa mali.
Imeelezwa mahakamani hapo na WP 9737 PC Elly Neema kutoka jeshi la polisi Mpanda mbele ya hakimu wa mahakama hiyo Bw. Mkumbi Ramadhani Mumbi kuwa , washatakiwa hao ni  Nogi Kahindi, Shilinde Nogi na Joseph Nogi na walitenda kosa hilo tarehe 03 mwezi Oktoba mwaka 2015 usiku majira ya saa nane, walimvamia mlalamikaji Jitobelo Ngalula ambaye ni mfugaji, na kuanza kumshambulia kwa fimbo huku wakihoji kwa nini amekataa kuhama katika eneo analoishi na wakati huo huo akimiliki eneo hilo kwa miaka sita sasa.
Akitoa ushahidi mbele ya mahakama, Mlalamikaji Bw. Jitobelo Ngalula aliwajibu kuwa eneo hilo wamekabidhiwa na serikali na waliendelea kumshambulia na kumsababishia majeraha kichwani, mkononi na mguuni na kusababisha upiotevu wa fedha shilingi laki moja na elfu hamsini, na simu aina ya Tecno yenye thamani ya shilingi elfu themanini.
Amesema baada ya kushambuliwa ilimlazimu akimbilie porini baada ya jirani yake kufika eneo la tukio na kuhoji sababu za kumshambulia kwa fimbo.
Washtakiwa wote wamekana shtaka dhidi yao na kesi hiyo imeahirishwa hadi tarehe nane mwezi Machi mwaka huu, na mahakama hiyo imeruhusu dhamana ya ahadi ya shilingi laki tano kwa kila mmoja na endapo hawatatimiza masharti ya dhamana warudishwe rumande hadi tarehe iliyopangwa.

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakati huo wazazi wake walikuwa wanafanya kazi.Alikulia jijini  Dar es Salaam, Tanzania .Alianza elimu y
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar
Read more