SILAHA 11 KATAVI ZASALIMISHWA WAKATI WA ZOEZI LA UHAKIKI,ZAIDI YA ASILIMIA 60 HAZIJAHAKIKIWA

-
Na.Issack Gerald-Katavi
Jumla ya silaha 11 kati ya 193 zinazomilikiwa kisheria Mkoani Katavi zimesalimishwa huku silaha 76 kati ya hizo 193 zikiwa zimehakikiwa kuanzia Machi 21 hadi Aprili mwaka huu.

Jeshi la Polisi limekuwa na utaratibu wa kutoa takwimu mbalimbali kulingana na matukio yanayoendelea kujitokeza.
Machi 21 mwaka huu,Jeshi la Polisi Mkoani Katavi lilitoa wito kwa wanaomiliki silaha kufika katika vituo vya polisi,Ofisi za serikali za mitaa kuhakiki au kusalimisha silaha lengo likiwa kudhibiti uharifu.
Kutokana na mikakati hiyo,Jumla ya silaha 11 kati ya 193 zinazomilikiwa kisheria Mkoani Katavi zimesalimishwa huku silaha 76 kati ya hizo 193 zikiwa zimehakikiwa kuanzia Machi 21 hadi Aprili mwaka huu.
Taarifa hiyo ya uhakiki imetoleewa Aprili 15,2016 na Kaimu Kamanda wa Polisi Mkoani Katavi SSP Damas Nyanda wakati akizungumza na waandishi wa habari Ofisini Kwake,kuhusu zoezi la uhakiki na usalimishaji  wa silaha zinazomilikiwa kinyume cha sheria za nchi.
Wakati huo huo zikiwa zimesalia takribani siku 32 kabla ya zoezi la uhakiki kufikia ukomo,pamoja na mambo mengine kamanda Nyanda ametoa onyo kwa watu wanaomiliki silaha ikiwa ni kutoziazimisha kwa watu wengine au makampuni na badala yake wazitumie kwa mujibu wa sheria na taratibu za nchi.
Kwa nyakati tofauti tofauti Inspekta Jenerali wa jeshi la Polisi Tanzania IGP Ernest Mangu amekuwa akisikika akiwaagiza makamanda wa polisi mikoa yote ya Tanzania hususani Tanzania bara kusimamia zoezi la uhakiki.
Katika hatua nyingine SSP Nyanda amesema katika silaha 76 zilizohakikiwa Shot Gun ni 48 sawa na 39%,Pistol(Bastola) 16 sawa na 40%,Rifle 12 sawa na 40 huku silaha zisizohakikiwa 61% kwa Shot Gun,60% kwa Bastola,60% kwa Rifle ambapo kwa ujumla ni sawa na 39.3% kwa silaha zilizohakikiwa na 60.6% kwa silaha ambazo hazijahakikiwa.
Katika mkoa wa Katavi silaha zinazomilikiwa kihalali ni Shot Gun 123,Bastola 40,Rifle 30 wakati ikiwa hakuna gobole hata moja.
Zoezi la uhakiki na usalimishaji wa silaha linatarajia kuhitimishwa ifikapo Mei 20 mwaka huu.
Agizo la Uhakiki na usalimishaji wa silaha kwa mara ya kwanza mkoani Katavi kwa mwaka 2016 lilianza Januari 6.
Endelea kufuatilia P5 TANZANIA MEDIA, Kwa maoni au ushauri p5tanzania@gmail.com



Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakati huo wazazi wake walikuwa wanafanya kazi.Alikulia jijini  Dar es Salaam, Tanzania .Alianza elimu y
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar
Read more