MATUKIO YA WIKI KATAVI NA TANZANIA KWA UJUMLA FEBRUARI 01—06 ,2016
Na.Issack Gerald-Katavi
Monday,
1 February 2016
Posted By:Issack Gerald | At:Monday, February
01, 2016
Na.Issack
Gerald-Mpanda
JAMII
wilayani Mpanda Mkoani Katavi imetakiwa
kutambua haki ya elimu kwa watoto wenye ulemavu kwa kuwaandikisha katika shule
zinazotoa elimu maalumu kwa watoto walemavu.
Akizungumza
na P5 TANZANIA MEDIA Afisa elimu kitengo cha vifaa na takwimu wa
halmashauri ya wilaya ya mpanda Bw. Amos Mwasa amesema elimu ni haki ya kila
mtu, hivyo wazazi wenye watoto wenye ulemavu watambue haki ya watoto wao ya
kupata elimu stahiki.
Aidha
Bw. Mwasa amesema baadhi wa wazazi wamekuwa wakiwaficha watoto wao, pasipo
kuwapeleka shule na kuwanyima haki ya kupata elimu.
Amesema
mwitikio wa kuandikisha watoto wenye ulemavu katika shule ya Kakora bado ni
mdogo kwani mpaka sasa wameandikishwa wanafunzi wanane tu.
Tuesday, 2 February 2016
ZAIDI
YA WALIMU 3 WAFUNDISHA WANAFUNZI WENYE ULEMAVU KATIKA UBAO MMOJA,DARASA MOJA
WAKATI MMOJA MANISPAA YA MPANDA
Posted By:Issack Gerald | At:Tuesday,
February 02, 2016
Na.Issack Gerald-Mpanda
ZAIDI ya walimu watatu wamekuwa
wakifundisha wanafunzi wenye ulemavu katika shule ya msingi Azimio katika
darasa moja na ubao mmoja kwa darasa la kwanza hadi la saba kwa miaka saba
sasa.
Hayo
yamebainishwa na walimu wa shule ya Msingi Azimio akiwemo mwalimu mkuu wa Shule
hiyo Mwl.Beno Mahema ambapo imebainika kuwa miongoni mwa chanzo cha hali hiyo
ni Mkandarasi kufunga madarasa akishinikiza kulipwa zaidi ya milioni 28
anazodai.
Kaimu
Mkurugenzi Manispaa ya Mpanda Bw.Lauteri Kanoni amekiri kuwepo hali hiyo na
amesema kuwa Alhamisi ya Februari 4 mwaka huu wanatarajia kufanya mazungumzo
baina ya uongozi wa Manispaa na Mkandarasi ili pesa inayodaiwa Manispaa zilipwe
na madarasa yaruhusiwe kutumiwa na wanafunzi.
Mpaka
sasa kuna Jumla ya Wanafunzi wenye ulemavu 18,walimu 4 ambapo hata hivyo katika
mpango wa Rais wa elimu bure wametengewa shilingi laki tatu kwa ajiri ya
chakula.
Kwa
upande wake Mkandarasai wa Kampuni ya Mwandoya Investment Bw.Paul Luguyashi
ameendelea kusemakuwa hataruhusu madarasa yatumiwe na wanafunzi mpaka
atakapopewa malipo yake ya zaidi ya Shilingi milioni 28 kwa sasa.
Kwa
mjibu wa Mkataba wa makubaliano,mkandarasi huyu ilitakiwa alipwe shilingi
milioni 32 kama sehemu ya mkataba wote baada ya kukamilisha ujenzi wa majengo
mwezi Aprili mwaka 2014 baada ya kupewa tenda hiyo mwaka 2013.
Kwa
hiyo kutokana na malimbikizo ya deni la Shilingi milioni 5 kutoka mwaka
2014,ilizidi kuongezeka pamoja na riba yake kutoka milioni 5 hadi kufikia zaidi
ya Shilingi milioni 28 anazodai hadi sasa.
Hata
hivyo Bw.Lunguya ameendelea kusisitiza kuwa katu hatofungua madarasa hayo ikiwa
hatalipwa pesa yake anayodai.
Katika
hatua nyingine,wazazi wenye watoto wenye ulemavu Mkoani Katavi wametakiwa
kuwapeleka shuleni ili wakapate haki yao ya elimu kama walivyo watoto ambao
siyo walemavu.
Wanafunzi
walemavu walipo katika shule ya msingi Azimio ni wasioona,wasiosikia,wenye
ulemavu wa akili na viungo ambpo kwa Mkoa wa Katavi zipo shule karibu tano
zenye watoto wenye mahitaji maalumu ambapo kwa Manispaa ya Mpanda mbali na
Azimio shuleni nyingine ni Shule ya Msingi Nyerere yenye wanafunzi wenye
mtindio wa ubongo.
Hata hivyo wanafunzi wote wawili waliofanya mtihani mwaka 2015 walifaulu kwa daraja B na C na kuwa miongoni mwa wanafunzi waliosababisha Manispaa ya Mpanda kuongoza kwa miaka miwili mfululizo kitaifa katika matokeo ya darasa la saba.
Hata hivyo wanafunzi wote wawili waliofanya mtihani mwaka 2015 walifaulu kwa daraja B na C na kuwa miongoni mwa wanafunzi waliosababisha Manispaa ya Mpanda kuongoza kwa miaka miwili mfululizo kitaifa katika matokeo ya darasa la saba.
Mshirikishe mwenzako kasha toa maoni
yako mdau wangu kupitia hapahapa P5 TANZANIA MEDIA au geraldissack@gmail.com
Tuesday, 2 February 2016
Posted By:Issack Gerald | At:Tuesday,
February 02, 2016
Na.Issack Gerald-Mpanda
Mtu
mmoja aliyejulikana kwa jina la Gidison Visent(32), mkazi wa Katuma aliuawa kwa
kuchomwa na kisu kifuani na Mohamed Muna (59) mratibu elimu Kata mkazi wa
Katuma.
Kamanda
wa Polisi Mkoani Katavi Dhairi Kidavashairi amesema kuwa tukio hilo lilitokea
mnamo tarehe 27.01.2016 majira ya saa mbili na nusu usiku katika Kitongoji cha
Mashineni kijiji na Kata ya ya Katuma Tarafa ya Mwese Wilayani Mpanda Mkoani
Katavi.
Kamanda Kidavashari,amesema kuwa mtuhumiwa
alimkuta marehemu akiwa ndani ya nyumba yake huku akiwa anafanya mapenzi na mke
wake aliyejulikana kwa jina la Ester Kasansa Chuki(36) mkazi wa Katuma.
Bw.Muna
alipogonga mlango,marehemu alitoka nje na kuanza kupambana naye ambapo
mtuhumiwa ambaye ni Muna alimchoma kisu kifuani na kukimbia.
Chanzo
cha tukio hili ni wivu wa kimapenzi.
Hata
hivyo Jeshi la Polisi linamshikilia mtuhumiwa kwa mahojiano zaidi na
anatarajiwa kufikishwa mahakamani mara baada ya upelelezi kukamilika kujibu
tuhuma inayomkabili.
Wednesday, 3 February 2016
Posted By:Issack Gerald | At:Wednesday,
February 03, 2016
Na.Issack Gerald-Mpanda
Mtu
mmoja aliyejulikana kwa jina la Zuhura Salum(34), mkazi wa Majengo alijeruliwa
kwa kuchomwa na kisu kwenye titi la kulia na Iddy Saleh(24), mkazi wa majengo
na kumsababishia maumivu makali.
Kamanda
wa Polisi Mkoani Katavi Dhahiri Kidavashari amesema kuwa tukio hilo limetokea
mnamo tarehe 29.01.2016 majira ya saa tatu asubuhi katika maeneo ya Majengo “B”
Kata na Tarafa ya Kashaulili Wilayani Mpanda Mkoani Katavi.
Kamanda
Kidavashari amesema kuwa mhanga na mtuhumiwa walikuwa wamelala kwenye nyumba ya
kulala wageni inayojulikana kwa jina la maridadi ndipo mtuhumiwa aliamka na
kumvizi akiwa usingizini na kumchoma na kisu kwenye titi la kulia.
Chanzo
cha tukio hili bado kujulikana ambapo hata hivyo mtuhumiwa anashikiliwa na
Jeshi la Polisi kwa mahojiano zaidi na anatarajiwa kufikishwa mahakmani kujibu
tuhuma inayomkabili.
Wakati
huo huo katika tukio lingine mtu mwingine aliyejulikana kwa jina la Kalekwa
Otto(28), mkazi wa kamukuswe alijeruliwa kwa kukatwa na panga mkono wa kulia na
kwa kushoto na Manyara Otto na kumsababishia majeraha
Aidha
Kamanda Kidavashari amesema kuwa tukio hili limetokea juzi 01.02.2016 majira ya
saa moja kijiji cha kamkuswe kata na
tarafa ya mwese wilayani mpanda mkoani katavi.
Amesema
kuwa mtuhumiwa na mhanga ni mtu na kaka yake ambapo Siku ya tukio wakiwa kwenye
kilabu cha pombe huku wakiendelea kunywa ndipo ulipozuka ugomvi kati ya ndugu
hawa wawili na Manyara Otto alipomkata kwa panga na mara baada ya kutenda kosa
hilo alitokomea kusikojulikana.
Hata
hivyo Chanzo cha tukio hili ni ugomvi wa kifamilia kati ya ndugu hawa wawili na
Jeshi la Polisi linaendelea kumsaka alipokimbilia mtuhumiwa ili kujibu tuhuma
inayomkabili.
Wakati
huo huo Kamanda wa Polisi Mkoa wa Katavi amewataka wananchi kujenga mazoea ya
kuwasilisha matatizo yao katika mamlaka za kisheria ili yaweze kupatiwa
ufumbuzi na badala yake waachane na tabia ya kujichukulia sheria mikononi kwa
kufanya vitendo viovu vinavyopelekea matatizo makubwa ndani ya familia.
Wednesday,
3 February 2016
ZAIDI
YA BILIONI 26 NA BILIONI 43 ZAIDHINISHWA NA BALAZA LA MADIWANI NSIMBO
KUTEKELEZA MIRADI YA MAENDELEO MWAKA WA FEDHA 2016/2017
Posted By:Issack Gerald | At:Wednesday,
February 03, 2016
Na.Agness Mnubi-Nsimbo.
HALMASHAURI
ya Wilaya ya Nsimbo Mkoani Katavi imeidhinisha kiasi cha shilingi billion
26,043,182,000 (Bilioni 26 milioni 43 na
mia moja themanini na mbili elfu)
kwa ajili ya kutekeleza MIRADI mbalimbali iliyopangwa kufanyika katika
Halmashauri hiyo kwa mwaka wa fedha 2016/2017.
Fedha
hizo zimeidhinishwa na Madiwani wa
Halmashauri ya Wilaya ya Nsimbo katika kikao cha bajeti ya mwaka wa fedha
206-2017 kilichofanyika leo katika ukumbi wa halmashauri hiyo.
Akisoma
Bajeti hiyo mkuu wa idara ya mipango takwimu na ufuatiliaji Fredinand Filimbi
amesema bajeti iliyotengwa imeandaliwa kwa
imezingatia sera na miongozo mbalimbali ya kitaifa.
Aidha
bw. Filimbi amefafanua mchanganuo wa fedha hizo utatumika katika masuala
mbalimbali ikiwa ni pamoja na mishahara,miradi ya maendeleo, na matumizi ya
kawaida.
Amesema
kiwango cha mapato ya ndani kwa mwaka wa fedha 2016-2017 kimeongezeka kwa
asilimia 12 na kutaja baadhi ya vyanzo vya ukusanyaji wa mapato hayo ikiwemo
ushuru wa mifugo,magulio,nyama na vyombo vya uvuvi.
Aidha
akifunga kikao hicho Mwenyekiti wa baraza la madiwani Rafael Kalinga ambaye ni
diwani wa kata ya Machimboni amewataka madiwani na watumishi kuendelea
kushirikiana ili kufikia malengo ya bajeti hiyo pamoja na kusimamia ukusanyaji
wa mapato ,pia amewataka wakuu wa idara
kuhakikisha wanatekeleza miradi ya nyuma ambayo ilitengewa fedha.
Wednesday, 3 February 2016
Posted By:Issack Gerald | At:Wednesday,
February 03, 2016
Na.Issack Gerald-Dodoma
Mbunge
wa Mpanda Mjini Mheshimiwa Sebastian Kapufi ameiomba Serikali kuweka nguvu yake
katika ujenzi wa chuo kikuu cha kilimo kinachotarajiwa Mjini Mpanda kwa ajiri
ya Kuongeza ajira kwa wakazi wa Mkoa wa Katavi na Mioko mingine.
Mheshimiwa
Sebastian Kapufi ameuliza swali hilo akiwa bungeni Mjini Dodoma ambapoa akijibu
swali hilo,Naibu waziri wa Elimu, sayansi,teknolojia na ufundi Injinia Stela
Martin Manyanya amesemakuwa tayari tume ya vyuo viku ilikwishatoa hati kwa
ajiri ya ujenzi wa chuo kikuu hicho kinachomilikiwa na Manispaa ya Mpanda ambapo amesemakuwa
serikali itaendelea kutoa ushauri wa kitaalamu nakiufundi ili kukamilisha
ujenzi wa Chuo kikuu cha kilimo cha Katavi.
Aidha
Serikali kupitia wizara ya Elimu, sayansi,teknolojia na ufundi imeshauri
Manispaaya Mpanda kushirikisha balaza la madiwani ili kuondoa hali ya
sintofahamu juu ya ujenzi wa chuo hicho ambacho kama kingekuwa kinaendelea
kujengwa mpaka sasa kingekuwa kimekwishapata Doala za kimarekani Milioni 2.5
kwa udhamini wa benki ya biashara ya AFRICAN TRADING INSURANCE AGENCE.
Hata
hivyo Injini Stela Manyanya amesema Manispaa ilikwishapata eneo la ekari 500
kwa ajiri ya ujenzi wa ujenzi wa chuo hicho.
Kwa
upande wake Waziri wa elimu sayansi,teknolojia na ufundi Profesa Joyce
Ndalichako amesema kuwa chuo hiki kinajengwa na Manispaa baada ya kuomba
wizarani juu ya ujenzi wa chio hicho.
Uamuzi
wa Ujenzi wa Chuo kikuu cha Kilimo ulitolewa mwaka feb 11,2011 kupitia vikao
vya kisheria vya Halmshauri ya Manispaa ya Mpanda kwa kuzingatia sheria ya
seriklai za mitaa serikali ya mtaa no.8 ya 1982(5) kifungu 53 na 54 1(a) na (b) na 2 (b) na (c).
Tume
ya vyuo vikuu ilitoa hati ya usajiri wa awali ya uanzishwaji wa chuo hiki kwa barua yenye kumbukumbu no.TCU/A/40/1A/V34
YA 31/01/2012 ambapo Manispaa ya Mpanda ilikuwa kikishirikiana wadau mbalimbali
kikiwemo chuo cha kilimo cha Uingereza kukamilisha masharti ya uanzishwaji wa
chuo hiki.
Wednesday, 3 February 2016
Posted By:Issack Gerald | At:Wednesday,
February 03, 2016
Na.Issack Gerald-Dodoma kuhusu (Rukwa)
SERIKALI imesema mwaka wa fedha 2015/2016 ilitenga Shillingi million 300
kwa ajili matengenezo na ujenzi wa Barabara ya Kitosi- Wampembe katika Wilaya
ya Nkasi Mkoa wa Rukwa kupitia Wakala wa Barabara (TANROADS) ili kufanya
Barabara hiyo iweze kupitika katika kipindi chote cha mwaka.
Serikali imetoa jibu hilo wakati wa swali la Mheshimiwa Mbunge
Desdelius John Mipata Mbunge wa Nkasi Kusini ambaye ametaka kufahamu mikakati ya serikali ya kilio cha wananchi wanaopata shida kwa Barabara hizo
kutopitika katika kipindi chote cha mwaka.
Naibu Waziri wa Ujenzi,Uchukuzi na Mawasiliano Mhandisi Edwin
Ngonyani amesema Serikali kupitia Wizara yake imesikia kilio cha wananchi wa
Wilaya ya Nkasi na inaendelea kutoa fedha za matengenezo ya Barabara ya
Kitosi-wampembe.
Ukarabati wa barabara ya Kitosi-Wampembe yenye urefu wa kilomita
67 na Barabara ya Nkana –kala yenye urefu wa kilometa 68 uko chini ya Mfuko wa
Barabara ikisimamiwa na Wakala wa Barabara (TANROADS) na Barabara zote ziko
chini ya Halmashauri ya Wilaya ya Nkasi.
Thursday,
4 February 2016
Posted By:Issack Gerald | At:Thursday,
February 04, 2016
Na.Issack
Gerald-Mpanda
Mwanafunzi
shule ya msingi Kashato aliyejulikana kwa jina la Julius Justin Albano(12)
mwanafunzi wa darasa la sita shule ya msingi Kashato amekufa maji akiwa anavua
samaki katika mto Mpanda maeneo ya Kigamboni.
Kamanda
wa Polisi Mkoani Katavi Dhahiri Kidavashari amesema kuwa tukio hilo limetokea
mnamo tarehe 03/02/2016 majira ya saa 4 asubuhi katika maeneo ya Kigamboni kata
ya Nsemulwa Tarafa ya Kashaulili Wilayani Mpanda Mkoani Katavi.
Kamanda kidavashari amesema kuwa,tarehe
02/02/2015 majira ya saa 12:00 mama mzazi wa marehemu aliyejulikana kwa jina la
Prisca selemani (35) mkazi wa Kigamboni alimwagiza dukani kwenda kununua sabuni
ambapo baada ya kumwagiza,yeye alielekea msibani huko maeneo ya Nsemulwa na
ilipofika majira ya saa 06:00 mchana alirudi nyumbani na kukuta marehemu
hayupo, ndipo alipoanza kumtafuta bila mafanikio.
Ilipofika
tarehe 03/02/2016 majira ya asubuhi alipata taarifa kuwa marehemu alionekana
maeneo ya pembezoni mwa mto Mpanda akiwa na watoto wenzake wanavua samaki.
Baada
ya kupata taarifa hizo walianza kumtafuta maeneo hayo na walifanikiwa kuukuta
mwili wa marehemu ukiwa umezama chini ya maji katika mto Mpanda maeneo ya
kigamboni.
Mwili
wa marehemu umekabidhiwa kwa ndugu zake kwa ajili ya mazishi baada ya uchunguzi
wa kitabibu kwani hapakuwa na shaka yoyote juu ya kifo hicho.
Kamanda
wa Polisi Mkoa wa Katavi ametoa wito kwa jamii kuendelea kuwaelimisha watoto
kuacha tabia ya kwenda kucheza,kuogelea au kuvua samaki kwenye mito, madimbwi
ya maji hasa wakati huu wa msimu wa mvua ili kuweza kujiepusha na matukio ya
namna hii yasitokee ndani ya jamii.
Thursday, 4 February 2016
Posted By:Issack Gerald | At:Thursday,
February 04, 2016
Na.Issack
Gerald-Bungeni Dodoma (Kuhusu Katavi).
SERIKALI
imeanza mikakati ya kukamilisha miradi ya maji
ili wananchi wapate maji kama ilivyo kusudiwa.
Hayo
yamejili leo bungeni mjini Dodoma baada ya mbunge wa mpanda vijijin Bw.
Suleiman Moshi Kakoso na mbunge wa jimbo la Ngara Bw. Alex Raphael Gashaza
kutaka kufahamu mikakati ya serikali kwa wananchi katika kuwaletea huduma ya
maji.
Akijibu
maswali yaliyoulizwa na wabunge hao Naibu Waziri wa Waziri wa Maji na Umwagiliaji Gerson Lwenge waziri wa maji na umwagiliaji
mhandisi Gerson Lwenge amesema serikali imeanza kuchukua hatua ya kuhakikisha
huduma hiyo inamfikia kila mwananchi.
Mhandisi
Lwenge amesema miradi ya umwagiliaji
mwaka 2015/2016 imetengewa fedha kiasi cha shilingi bilioni 53 katika
kuendeleza sekta ya umwagiliaji ambayo inasimamiwa na tume ya umwagiliaji.
Wakati
huo huo mbunge wa jimbo la Kavuu Mkoani Katavi Bi. Pudensiana Kikwembe amehoji
serikali ina mpango gani wa kuwaletea wananchi wa eneo hilo nishati ya umeme
ambapo akijibu swali hilo naibu waziri wa nishati na madini Bw. Menod kalemani
amesema wanaendelea na ukarabati wa miundombinu ili wananchi wote wapate
nishati hiyo.
Thursday,
4 February 2016
ASASI
ZA BINAFSI ZA KIRAIA NA SERIKALI ZAAGIZWA KUELIMISHA JAMII MASUALA YA SHERIA
KATAVI,RAIS MAGUFULI NAYE ATOA AGIZO KALI DAR,MAHAKAMA YA MAFISADI KUJENGWA
MWAKA HUU
Posted By:Issack Gerald | At:Thursday,
February 04, 2016
Na.Issack Gerald-Katavi
Asasi
za kiraia na zile za serikali zikiwemo vyombo vya habari, wanaharakati wa haki
za binadamu wametakiwa kushirikiana kwa pamoja kuelimisha jamii juu ya kanuni
zinazotumika kushughulikia kudai haki za madai na jinai kwa mjibu wa kanuni na
sheria hapa nchini.
Wito
huo umetolewa na Mganga Mkuu wa Mkoa Dk
Yahya Hussein kwa niaba ya Mkuu wa Mkoa wa Katavi katika maadhimisho ya siku ya
sheria duniani ambayo katika Mkoa wa Katavi maadhimisho haya yamefanyika katika
viwanja vya mahakama ya Wilaya ya Mpanda.
Kwa
upande wake Farhat Seif wakili wa Serikali Mfawidhi Mkoani Katavi pamoja na
kuzungumza masuala mbalimbali amesema kuwa watumishi wa mahakama na wadau
wengine wa sheria wanatakiwa kuzingatia
maadili ya kazi yao ikiwemo kutojihusisha na vitendo vya rushwa ili kuepuka wananchi
kujichukulia sheria mikononi kutokana na wananchi kukosa imani na vyombo vya
maauzi.
Naye
mwenyekiti wa Taasisi ya isiyo ya kiserikali ya Tanganyika Law Sciety Mh.Simon
Buchur ambaye pia ni mwakilishi wa Takukuru Taasisi ya kupambana na rushwa Mkoani
Katavi amesema kuwa manung’uniko ya wananchi kwa vyombo vya mahakama vitakwisha
ikiwa mwananchi atatendewa haki mahakamani ipasavyo bila kucheleweshwa pamoja
na kupatiwa nakala ya kesi inayomhusu mhusika ili kama ni kukata rufaa kwa
mjibu wa sheria afanye kama
inavyotakiwa.
Maadhimisho
haya pia yamehudhuriwa na Hakimu mkazi Mfawidhi Wilaya ya Mpanda Chiganga Tengwa ambaye pia ndiye anayekaimu
mahakama ya hakimu Mkazi ya Mkoa wa Katavi,Wakili Adolf Mishanga mwakilishi wa Shirika la Wwakimbizi la umoja
wa mataifa la UNHCR Mishamo,watumishi mbalimbali wa mahakama,wadau mbalimbali
wa heria na wananchi.
Hata
hivyo licha ya kuwa baadhi ya wananchi walio wengi wameonesha kutotambua maana
ya siku ya sheria duniani,baadhi ya waliohudhuria sherehe hizi wameeleza
kujifunza mengi ambayo yatakuwa msaada mkubwa katika maisha yao ya kila siku
ikiwemo kuzingatia msemo kuwa ‘’Kutofahamu sheria siyo kinga ya kupatiwa
adhabu’’
Wakati
hayo yakiwa yamejiri Mkoani Katavi,Jijini Dar es Salaa,mgeni rasmi wa
maadhimisho hayo Rais Dk.John Pombe Magufuli ameviagiza vyombo vyote vinahusika katika kutoa haki
kuhakikisha vinatoa haki kwa wakati na kwa wale wote wanaoharibu sifa za vyombo
hivyo wachuliwe hatua ikiwa ni kiiashirio cha kuanza mwaka wa mahakama hapa
nchini.
Aidha
Rais ameagiza kuharakishwa kuundwa kwa mahakama ya kushughulikia mafisadi na
watu wanaojihusisha na rushwa kwani hatua hiyo ni muhimu kwa maendeleo ya
taifa.
Kwa
upande wake Jaji Mkuu wa Tanzania
Mhe.Mohamed Chande Othman amesema
kuwa wapo katika mchakato ili kuhakikisha mahakama hiyo inafanya kazi kwa mwaka
huu wa 2016.
Kauli
mbiu katika maadhimisho ya mwaka huu ni
‘’UTOAJI WA HAKI INAYOMLENGA MTEJA,WAJIBU WA MAHAKAMA NA WADAU.
Nchini
Tanzania Maadhimisho ya siku ya sheria yalianzishwa mwaka 1996 ambapo kitaifa
mwaka huu yameadhimishwa Jijini Dar es Salaam na Mgeni Rasmi akiwa ni Rais wa
Tanzania John Pombe Magufuli kwa uongozaji mkuu wa Jaji Mkuu wa Tanzania
Mhe.Mohamed Chande Othman.
CHENJI YA SHILINGI 500/=MKAZI SUMBAWANGA AHUKUMIWA MIAKA 10 KWA KUUA BILA KUKUSUDIA.
Posted By:Issack
Gerald | At:Saturday, February 06, 2016
Na.Issack Gerald-Sumbawanga
MAHAKAMA Kuu Kanda ya Sumbawanga
mkoani Rukwa imemhukumu kifungo cha miaka 10, mkazi wa kijiji cha Kazila
Lizberth Fredinad (21) baada ya kupatikana na hatia ya kumuua Charles Abel bila
kukusudia.
Ilidaiwa mahakamani hapo kuwa
Fredinad alimuua Charles Abel kwa kumchoma na kuni tumboni akigoma kumlipa
marehermu chenji yake ya shilingi 500 aliyokuwa akidaiwa.
Akisoma hukumu hiyo jana, Jaji
Mfawidhi Kakusulo Sambo alisema kuwa anatoa adhabu hiyo kali kwa mshtakiwa huyo
ili iwe fundisho kwake na wengine wenye tabia ya kujichukulia sheria mkononi.
Awali Mwendesha Mashtaka, wakili wa
serikali Happiness Mayunga alidai mahakamani hapo kuwa mshtakiwa huyo alitenda
kosa hilo Februari 6, mwaka jana na kusababisha kifo.
Ilidaiwa kuwa siku hiyo ya tukio,
mshtakiwa huyo aliingia katika kilabu cha pombe za kienyeji ambapo pia palikuwa
panachomwa nyama ya nguruwe na kukuta wateja wengine wawili wakinywa pombe
hiyo.
Ilielezwa kuwa ndipo marehemu
alipoanza kumdai marehemu ampe chenji yake ya shilingi 500 na kusababisha
ugomvi kuibuka baina yao na kuanza kupigana.
Kwa mujibu wa Wakili Mayunga ugomvi
huo uliodumu kwa muda mrefu kila wakisuluhishwa waliendelea kupigana ndipo
mstakiwa alipomchoma tumbo Charles kwa kuni na kumjeruhi vibaya ambapo
alikimbizwa katika zahanati kijijini Kaengesa, Manispaa ya Sumbawanga kwa
matibabu.
Comments