RC RUKWA AWAOMBA MADHEHEBU YA DINI KUENDELEA KUIOMBEA NCHI IWE NA AMANI-Septemba 14,2017

-
Mhashamu baba Askofu kanisa Katholic jimbo la Sumbawanga Damian Kyaruzi
MKUU wa Mkoa wa Rukwa Zelote Stephen amewaomba waumini wa madhehebu yote yaliyopo mkoani humo kuendelea kuiombea nchi amani kwani serikali ipo imara katika kuhakikisha inasimamia misingi ya sheria.

Ombi hilo alilitoa jana wakati akifungua mkutano wa siku nne wa Sinodi ya kanisa la Moravian jimbo la Rukwa na Katavi,mkutano ambao umehudhuriwa na wachungaji, makatibu,wenyeviti na wanakwaya wa mikoa yote miwili.
Alisema watanzania ni watu wanaomuamini mwenyezi mungu hivyo basi kila mtu ahakikishe anaiombea sana nchi yetu na viongozi wake ili amani iliyopo iendelee kudumu. 
"Kama viongozi wa dini mna silaha kubwa ya kuiombea nchi amani hivyo tunawaomba muendelee kuombea nchi amani na kuwasisitiza waumini wafanye hivyo na niwahakikishie kuwa serikali ipo imara kuhakikisha sheria zinafuatwa ili kuendeleza amani iliyopo."
Kwa upande wake mgeni mwalikwa Askofu wa kanisa Katoliki Jimbo la Sumbawanga  Damian Kyaluzi aliipongeza serikali kwa kuthibiti yaliyotokea katika wilaya ya kibiti na kukemea yaliyowatokea Mh. Tundu Lisu pamoja na Meja Generali Mstaafu Mrimbata na kuendelea kuwaombea na kuliombea taifa liendelee kubaki na amani iliyoachwa na waasisi wa nchi hii.
Awali akisoma risala fupi ya kanisa hilo kwa mgeni rasmi mwenyekiti wa kanisa la Moravian jimbo la Rukwa mchungaji Nobert Sikazwe alilalamikia ofisi ya Mkurugenzi wa Manispaa ya Sumbawanga kushindwa kuwapa vibali vya ardhi ili waendelee kushirikiana na serikali katika kuleta maendeleo.
Mwandishi:Gurian Adolfu
Mhariri:Issack Gerald
Habari zaidi ni www.p5tanzania.blogspot.com

0764491096

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more