MAMA AMUUA MTOTO WAKE AMFUNGA KAMBA SHINGONI AMTUNDIKA JUU YA MWEMBE MPANDA.

-

Na.Issack Gerald-Katavi
Jeshi la Polisi Mkoani Katavi linamshikilia Sado Roket (26) mkazi wa Mnyakasi kwa kumuua mtoto wake Nchambi Tungu (11) mkazi wa Mnyakasi  kwa kumpiga kwa fimbo sehemu mbalimbali za mwili wake.

Akithibitisha kutokea kwa tukio hilo,Kamnda wa Polisi Mkoani Katavi Dhahiri Kidavashari amesema kuwa tukio hilo limetokea mnamo tarehe 23.01.2016 majira ya saa 19:50 katika Kitongoji cha Mnyakasi Kijiji cha Ikuba Kata ya Ikuba Tarafa ya Mpimbwe Wilayani Mlele Mkoani Katavi.
Kamanda Kidavashari amesema kuwa mtuhumiwa alimpatia marehemu nguo ili azifue lakini hakuweza kufanya hivyo na ndipo mtuhumiwa alipoamua kuchukua fimbo na kuanza kumpiga kwa kumshambulia sehemu mbalimbali za mwili wake mpaka kupelekea kifo chake.
Baada ya kutekeleza azima yake mtuhumiwa alimchukua marehemu na kumpandisha juu ya mti wa mwembe na kumfunga kwa kamba shingoni na kumwacha akining`inia ili ionekena kuwa marehemu alijinyonga.
Chanzo cha tukio hili ni marehemu kushindwa kufua nguo za mama yake mzazi kisha kumpiga na fimbo sehemu mbalimbali za mwili wake mpaka kufariki.
Hata hivyo Jeshi la Polisi limefanikiwa kumkamata mtuhumiwa na anatarajiwa kufikishwa mahakamani mara baada ya upelelezi kukamilika ili kujibu tuhuma inayomkabili.
Aidha Kamanda wa Polisi Mkoa wa Katavi anatoa wito kwa wananchi kuacha tabia ya kujichukulia sheria mikononi kwani ni ukiukwaji mkubwa wa sheria za haki za binadamu za kuishi na ni kinyume cha maadili ya kijamii badala yake wawe mstari wa mbele kutii na kuzingatia mwenendo wa sheria za Nchi katika masuala mbalimbali.

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more