MANISPAA YA MPANDA YAPATA HATI SAFI UDHIBITI HESABU ZA SERIKALI,RC APONGEZA-Agosti 26,2017

-
Mkuu wa Mkoa wa Katavi Meja Jeneral Msaafu Raphael Mugoya Muhuga

Mkuu wa Mkoa wa Katavi Meja Jeneral mstaafu Raphael Muhuga  ameipongeza halmashauri ya manispaa ya Mpanda kwa kupata hati nzuri  ya udhibiti wa hesabu za serikali kwa mwaka wa fedha ulioishia Juni 30 mwaka 2016.

Muhuga ametoa pongezi hizo wakati wa  kikao maalumu cha baraza la Madiwani la Manispaa ya Mpanda kilicholenga kujadili hoja za utekelezaji wa ripoti ya Mdhibiti na Mkaguzi wa Hesabu za Serikali (CAG) kwa mwaka wa fedha 2015/16.
Aidha amewaomba waendeleze juhudi za kuhakikisha wanapata hati zinazoridhisha ili kusudi Mkoa upige hatu katika masuala ya Maendeleo kwani hati ni kipimo na  kigezo cha kuonesha halimashauri inafanyaje.
Akiongea kwa niaba ya Mkuu wa Wilaya ya Mpanda katibu tawala wa wilaya hiyo Bw. Sostenes Mayoka licha ya kuipongeza manispaa amesema katika kupata hati safi kitengo cha ukaguzi wa ndani ni Muhimu hivyo ameshangazwa na taarifa inayoonesha kitengo cha Ndani Ni Dhaifu. 
Hata hivyo pamoja na kwamba Halmshauri ya Manispaa ya Mpanda imepata hati safi ya udhibiti wa hesabu za serikali ,katika ripoti ya mdhibiti na Mkaguzi wa hesabu za serikali kwa mwaka 2015/2016 iliyosomwa na Christopher Sinkamba kwa niaba ya mdhibiti na Mkaguzi wa hesabu Mkoani Katavi Bw.Gerald Machumu,inaonesha Manispaa imeshindwa kutekeleza masuala mbalimbali ikiwemo kuchangia Shilingi Milioni 159,723,059.30 kama asilimia 10 katika mfuko wa wanawake na vijana,kutochangia asilimia 40 sawa na shilingi milioni 480,519,976.60 kwa ajili ya maendeleo ya vijijini.
Mapungufu mengine yanalenga katika matumizi ya fedha bila kupita katika idara husika,utata katika kukabidhi wa gari la kuzoa taka kwa Halmshauri ya Manispaa lenye thamani ya Shilingi Milioni 92,760,000 kwa zaidi ya miezi 29 gari ambalo lilinunuliwa mwaka 2016 pamoja na ukusanyaji dhaifu wa fedha kutoka baadhi ya vyanzo vya mapato.
Kwa mjibu wa mdhibiti na Mkaguzi wa hesabu za serikali Halmshauri ya Manispaa ya Mpanda kwa mwaka 2013/2014 ilipata hati safi,2014/2015 hati isiyoridhisha na 2015/2016 imepata hati inayoridhisha.
Hatua ya kuwasilishwa na kujadiliwa ripoti mbalimbali za mdhibiti na mkaguzi wa hesabu za serikali ni utekelezwaji wa agizo la Waziri Mkuu wa Tanzania Kassim Majaliwa alilolitoa Aprili 22 mwaka huu akiwaagiza wakuu wa mikoa kuhakikisha hoja zote zilizojitokeza katika ripoti ya CAG zikiwemo hoja za miaka ya nyuma pamoja na maagizo ya Kamati ya bunge ya kudumu ya serikali za mitaa (LAAC) zinapatiwa majibu na kufutwa.

Habari zaidi www.p5tanzania.blogspot.com

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more