MANISPAA YA MPANDA YAANDAMWA ZAIDI NA MAAMBUKIZI YA VVU,KATAVI NAYO NDANI YA MIKOA 10 BORA YENYE VVU NA UKIMWI

-

Manispaa ya Mpanda Mkoani Katavi imeendelea kuwa na maambukizi makubwa ya Virusi vya Ukimwi na kuchangia Mkoa wa Katavi kuendelea kuwa miongoni mwa mikoa 10 ya Tanzania yenye maambukizi hayo.
                                            

Hayo yamebainishwa katika kikao cha Wadu wa kupambana na maambukizi ya VVU na Ukimwi ambacho kimefanyika Manispaa ya Mpanda.
Mratibu wa Ukimwi katika Manispaa ya Mpanda Bi.Mary Byaro amesema kikao hicho kimewakutanisha kujadili mikakati ya kupambana na maambukizi ya Ugonjwa huo katika Manispaa ya Mpanda.
Kikao hicho kimeshirikisha wadau mbalimbali wa kupambana na VVU na Ukimwi wakiwemo Waratibu wa Ukimwi Mkoa wa Katavi,Manispaa ya Mpanda,viongozi wa dini,wazee,vijana na asasi za kiraia ikiwemo SHDEPHA.
Takwimu zinaonyesha kuwa  mwaka 2014,asilimia 6 ya watu waliopima VVU waligundulika na VVU ambao kwa uwiano watu 16 mmoja aligundulika kuwa na maambukizi ya VVU hii ni kwa jinsi zote
Aidha mwaka 2014 maambukizi yanayohusisha wanawake Wajawazito yalikuwa ni  4% ya waliopima VVU kwa uwiano wa watu 23 ambapo katika idadi hiyo mjamzito mmoja alikutwa na maambukizi.
Katika hatua nyingine Takwimu za mwaka 2015 zinaonyesha  waliogundulika na maambukizi kati ya waliopima ni 4% kwa uwiano wa watu 23.
Katika uwiano wa wanawake 21 mmoja alikutwa na maambukizi,kwa uwiano wa wanaume 23 mmoja aligundulikana maambukizi huku wa uwiano wa wajawazito 23 waliopima,mmoja alikutwa na maambukizi.
Wakati huo huo katika mahudhurio ya Kliniki mwaka 2014  takwimu zinaonyesha  28% ya wenza walihudhuria kliniki ya wajawazito na kupima VVU kwa pamoja huku mwaka 2015  47% ya wenza walipima VVU kwa pamoja  na kupelekea ongezeko la hudhurio la wanaume kwenye klininik ya wajawazito
Aidha Takwimu zinaonyesha kuwa watoto waliozaliwa na akina mama wenye VVU  99% walipimwa maambukizi  kwa miaka yote miwili 2014 na 2015 ambapo 6% ya watoto waliopima waligundulika na maambukizi ya VVU
Hata hivyo kwa mjibu wa taarifa ya waratibu wa Ukimwi Manispaa ya Mpanda,changamoto zilizopo katika kupambana na Ukimwi ni pamoja na Ufinyu wa maeneo ya kutolea huduma,Ushiriki mdogo wa wanaume ,Uhaba wa vitendanishi,Ongezeko la watoro wanaotakiwa kupata huduma,Usafiri usio wa uhakika kwenye  shughuli za huduma mkoba,Ukosefu wa kiyoyozi maabara,Wafadhili kuendelea kujitoa kusaidia huduma mbalimbali ikiwemo ununuzi wa madawa  (septrine)  matengenezo ya vifaa  nk
Hata hivyo,licha ya Manispaa ya Mpanda kupambana na changamoto mbalimbali za kukabiliana Ukimwi wameendelea kuweka mikakati ikiwa ni,kuongeza siku za huduma,Kushirikiana na  watoa huduma wa magonjwa majumbani wa taasisi ya (SHIDEFA) ,expert na mama mwam  bata kuwatafuta,Kuongeza vituo vya tiba na matunzo,Ukarabati wa chumba kwa shughuli za maabara ,Bajeti  ya ununuzi wa madawa.
Kwa upande wake Mratibu wa TACAIDS Mkoani Katavi Bw.Yahya Mussa Mumbaga amesema Kiwango cha maambukizi ya VVU katika Mkoa wa Katavi ni asilimia 5.9%,Rukwa asilimia 6.2%,Kigoma asilimia 3.4 na Tabora asilimia 5.1%.
Halikadhalika katika tafiti zilizofanyika mwaka 2011-2012 kiwango cha maambukizi ya VVU kwa wanaume na wanawake wenye umri wa miaka 15-49 nchini Tanzania,Takwimu zinaonesha kuwa kwa ujumla maambukizi kwa Tanzania yamefikia 5.1%,Tanzania bara 5.3% na Tanzania visiwani chini ya 1%.
Maambukizi ya VVU yako juu sana katika mikoa ya Njombe (14.8%), Iringa (9.1%) na Mbeya (9.0%) huku mikoa yenye Maambukizi ya chini ikiwa ni mikoa ya Pemba (0.3%), Unguja (1.2%) na Lindi (2.9%)

Baadhi ya njia kuu zinazopelekea maambukizi ya VVU na Ukimwi Ngono zembe,kushirikiana katika matumizi ya vitu vyenye ncha kali ikiwa miongoni mwao kuna mwenye maambukizi,Ubakaji,kuongezewa damu ya mtu mwenye maambukizi ya VVU,mapenzi ya jinsia moja na kutotumia kinga au mpira ujulikanao kama kondomu wakati wa kujamiana.
Na njia za kuzuia maambukizi ya VVU na Ukimwi ni kuepuka hizo njia ambazo zimetajwa kusababisha maambukizi.
Mwandishi:Issack Gerald Bathromeo
Mhariri: Issack Gerald Bathromeo
Habarika zaidi na P5TANZANIA.BLOGSPOT.COM

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more