JAMII MKOANI KATAVI IMETAKIWA KUSHIRIKI KUWAFICHUA WATOTO WENYE ULEMAVU WALIOFICHWA MAJUMBANI ILI WAPATE HAKI YAO YA ELIMU

-
Na.Issack Gerald-Katavi
JAMII Mkoani Katavi imeaswa kushirikiana ipasavyo na kamati ya kulea baraza la watoto wenye ulemavu iliyopo Wilayani Mpanda Mkoani Katavi kwa kuwafichua watoto waliofichwa majumbani ili wapatiwe haki ya elimu.
Wanafunzi wenye ulemavu na wasio na ulemavui katika shule ya msingi Azimio Manispaa ya Mpanda wakiwa katika picha ya pamoja(PICHA NA.Issack Gerald)
Aliyevaa koti kutoka kushoto ni mratibu wa Mradi wa elimu Jumuishi Mkoani Katavi,wa pili Issack Gerald mwandishi Mpanda Radio fm pia mjumbe na katibu wa kamati hiyo,waliobaki ni baadhi ya watoto wenye ulemavu(PICHA NA.Issack Gerald)

Wito huo umetolewa leo na Meneja wa Mradi wa elimu jumuishi Tanzania Alani Kamunde wa shirika la International Aid Services,kupitia kikao cha kupokea,kujadili,kutathimini na kupanga mikakati ya namna ya kuyapatia ufumbuzi matatizo yanayowakbili watoto wenye ulemavu Mkoani Katavi.
Kwa upande wake mratibu wa mradi wa elimu Jumuishi mikoa ya Rukwa na Katavi Bi.Veronica Mavanza amesema,matatizo yanayowakabili watoto wenye ulemavu yaliyobainishwa na kamati ya kulea  baraza la watoto wenye ulemavu wameyachukua na watashirikisha jamii ipasavyo kuyapatia ufumbuzi.
Naye mwenyekiti wa kamati ya kulea baraza la watoto wenye ulemavu wilayani Mpanda Bw.Joshua Sankara ambaye pia anatoka idara ya maendeleo Manispaa ya Mpanda,amewapongeza viongozi wa mradi ngazi ya kitaifa kwa kufika mara kwa mara Mkoani Katavi kupokea changamoto mbalimbali zinazowakabili watoto wenye ulemavu ambapo amesema kamati itaendelea kutoa ushirikiano katika kutafuta ufumbuzi wa matatizo.
Nao baadhi ya wajumbe wa kamati hiyo inayolea watoto wenye ulemavu wamesema uwepo wa mradi wa elimu Jumuishi Mkoani Katavi umesaidia jamii kutambua haki za watoto wenye ulemavu ikiwemo kuwapeleka shule na kuwapatia haki nyingine muhimu za kibinadamu.
Mradi wa elimu Jumuishi uliopo katika mikoa ya Rukwa na Katavi pekee hapa nchini ulianza mwaka 2012 na unaratibiwa na shirika la IFI lenye makao makuu Mkoani Arusha likijumuisha washirika watatu International Centre on Disabilities(ICD),International Aid Services(IAS) na kanisa la Free Pentecosatl Church Of Tanzania(FPCT).
Mtoa mada katika Kikao cha leo ambacho kimefanyika katika Ofisi za mradi wa elimu Jumuishi Mjini Mpanda alikuwa Bw.Verhan Bakari ambaye ni mshauri wa mradi wa elimu Jumuishi kutoka Mkoani Arusha mradi ambao umesaidia kupatikana kwa haki za watoto wengi waliokuwa wamenyimwa haki hasa suala la elimu kwa kufichwa majumbani.

Habari zaidi ni P5TANZANIA LIMITED

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more