BARAZA LA MADIWANI MANISPAA YA MPANDA USIKU WA KUAMKIA LEO MEI 21,LAPITISHA WATUMISHI 13 KATI YA 16 WALIOKUWA WAMESIMAMISHWA KAZI KUKATWA MISHAHARA KUFIDIA HASARA ILIYOTOKANA NA UBADHIRIFU WA FEDHA ZA MIRADI ZA MANISPAA,MMOJA AFUKUZWA KAZI,WENGINE WATUPIWA TAMISEMI IWAPANGIE INAKOTAKA MBALI NA MANISPAA

-

Baraza la madiwani katika Manispaa ya Mpanda Mkoani Katavi ,limepitisha maamuzi  ya kukata mshahara wa watumishi 13 kati ya 16,waliokuwa wamesimamishwa kazi na baraza hiloFebruari 26 mwaka huu,kutokana na tuhuma mbalimbali zikiwemo utumiaji ovyo wa fedha za manunuzi ya gari la kuzoa taka pamoja na ubadhilifu wa fedha ya skimu ya umwagiliaji maji ya kakese ambapo pia watumishi watatu wameshushwa vyeo.

Uamuzi wa baraza hilo umetolewa usiku wa kuamkia leo Mei 21,2016 katika kikao maalumu ambacho kimefanyika katika ukumbi wa Manispaa ya Mpanda na kuhudhuriwa na wajumbe,watendaji na wataalamu wakuu wa idara zaidi ya 120.
Akitangaza maamuzi ya baraza hilo yaliyotokana  matokeo ya tume iliyoundwa kuchunguza tuhuma za watumishi hao Februari 26 mwaka huu,Mstahiki Meya wa Halmshauri ya Manispaa ya Mpanda Mh.Willium Philip Mbogo ambaye pia ni diwani wa kata ya Majengo Manispaa ya Mpanda,amewataja watumishi watakaokatwa mishahara ili kufidia hasara iliyotokana na makosa waliyoyafanya kuwa ni pamoja na Charles Ngonyani mkuu wa idara ya ushirika,chakula na umwagiliaji, Brian Severe mkuu wa idara ya ardhi,mipango miji na maliasili, Vicent Kayombo mkuu wa idara ya elimu Shule ya Msingi, Abrahamu Kaswa afisa mipango miji, Paschal Kweya afisa afya Mazingira Manispaa ya Mpanda, Gerigori Lugarema afisa maendeleo ya jamii msaidizi.
Wengine amewataja kuwa ni Bw.Gorge Ngongolowo mhasibu mwandamizi, Albert Kiando mhandisi wa ujenzi, Victa Lutajumulwa mwalimu Mkuu elimu ya msingi daraja la pili, Focus Bilamule mhasibu Manispaa ya Mpanda, Jefu Julius  mhandisi umwagiliaji Manispaa, Said Mandua Afisa mazingira wa Manispaa ya Mpanda,Bw.Fredinandi Filimbi Mkuu wa idara sera na ufuatiliaji aliyekuwa ameshamishiwa Halmashauri ya Wilaya ya Nsimbo ambapo alirejeshwa Manispaa Mpanda baada ya tuhuma.
Aidha Mh.Mbogo aliwataja walioshushwa vyeo kuwa ni Bw.Chamilius Luhinda Kaimu mkuu wa kitengo cha sheria Manispaa,Kibi Hamis Musaka Mhasibu Mwandamizi-Mhasibu mfumo wa EPICA ambapo pia yeye baraza limeamua atafutiwe kituo kingine cha kazi sawa na Bw.Bosko Kapinga mweka hazina wa Manispaa ambaye pia ameshushwa cheo huku baraza likiendelea kuwasiliana na mamlaka husika(TAMISEMI) ili aondolewe katika Manispaa ya Mpanda na kuhamishhiwa nje ya Manispaa.
Wakati huo huo baraza limesema kuwa haliwezi kutoa maamuzi ya kesi ya aliyekuwa Mkurugenzi Manispaa ya Mpanda Bw.Suleiman Lukanga anayedaiwa kutapanya zaidi ya milioni 380 katika miradi yote ya gari hewa na skimu ya umwagiliaji Kakese,kutokana na sheria kuelekeza kuwa maamuzi juu ya Mkurugenzi yanatolewa na katibu Mkuu  Tawala za Mikoa na Serikali za Mitaa TAMISEMI Ofisi ya Rais.
Mtumishi Mwingine ambaye baraza halikutoa maamuzi ni juu ya Bi.Vumilia Kakulima mkuu wa kitengo cha Manunuzi kutokana na mashauri ya tuhuma hizo kuwa tayari zipo mahakamani ambapo baraza limesema linasubiri maamuzi ya mahakama ili sheria zichukuliwe dhidi yake.
Katika hatua nyingine,Frenk Gombanila aliyekuwa ameajiriwa kama Mhudumu idara ya afya Manispaa ya Mpanda anyeadiwa kughushi vyeti na kupata ajira,amefukuzwa kazi pamoja na Shauri lake lipo kupelekwa Polisi ambapo pamoja na hali hiyo alikuwa miongoni mwa watumishi hewa Manispaa ya Mpanda.
Wakati huo huo,Yusra Marco Mtunza Kumbukumbu aliyekuwa na shtaka la utoro na hivyo kuonekana kuwa mtumishi hewa amerejeshwa kazini kutokana na kutokuwa na hatia kwa kuwa makosa yalifanyika akiwa hayupo.
Hata hivyo Mstahiki Meya Mh.Mbogo amesema kuwa ikiwa mtumishi yeyote hataridhika  na maamuzi ya baraza la madiwani anaruhusiwa kukataa rufaa.
Watumishi waliokuwa wakikaimu nafasi za waliokuwa wamesimamishwa kazi kuanzia Februari 26 mwaka huu walikuwa ni Said Mohamed Hemed mkuu wa idara ya ushirika,chakula na umwagiliaji,Rashid Pili Idara ya elimu Msingi,Mabokera Mwakabamba kitengo cha Manunuzi,Paschal Sindani idara ya ujenzi,Juma Luhomwa mweka hazina wa Manispaa huku  Peter Charles Mkalipa atakaimu mkuu wa idara,ardhi na maliasili.
Hata hivyo katika mjadala wa nadalaza la madiwani uliodumu kwa siku mbili mfululizo usiku na mchan,takwimu kamili ya hasara iliyokana na watumishi kufanya ubadhirifu huo haijatajwa mbali na zaidi ya milioni 380 zilizokuwa zimetajwa katika mradi wa Skimu ya umwagiliaji Kakese pamoja na ununuzi hewa wa gari la kuzoa taka .
Baadhi ya wajumbe waliohudhuria kikao hicho maalumu wamesema kuwa ikiwa pesa yote itarudishwa huenda ikapatikana pesa ya kutosha kuendesha miradi ya mendeleo kwa ajili ya maendeleo ya wananchi.
Mwandishi:Issack Gerald Bathromeo
Mhariri:Issack Gerald Bathromeo
Endelea kuhabarika na P5TANZANIA.BLOGSPOT.COM pekee

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more