WANNE MBARONI KATAVI KWA KUMILIKI SILAHA SMG,MWENZAO AFA KWA RISASI KATIKA MAJIBIZANO NA POLISI.

-

Na.Issack Gerald-Katavi
Jeshi la Polisi Mkoani Katavi linawashikilia watu wanne wakazi wa kata ya Mishamo Wilayani Mpanda wakituhumiwa kumiliki silaha kinyume na sheria.

Akizungumza na vyombo vya habari Ofisini kwake,kaimu kamanda wa Polisi Mkoani Katavi SSP Damas Nyanda amesema,watuhumiwa hao walikamatwa Mnamo Aprili 22 mwaka huu katika kijiji cha cha Bosongola Kata ya Mishamo wakiwa na silaha aina ya SMG yenye namba za usajili TX5971-1996 ikiwa  na magazine mbili zenye jumla ya  risasi 86 ambapo magazine ya kwanza ilikuwa na uwezo wa kubeba risasi 31 huku magazine kubwa ikiwa  na uwezo wa kubeba risasi 45.
Katika ukamataji huo pia jeshi la polisi lilifanikiwa kukamata nyama ya kiboko kilo mbili iliyokuwa inapikwa kwenye sufuria jikoni.
SSP Nyanda amewataja watuhumiwa kuwa ni James Amos Samandale (28),Amos Maliyatabu Samandale (70),Leoben Kagoma Karumanzira(25) na Kulwa Joseph Daniel wote wakazi wa Mishamo.
Aidha Kamanda nyanda amesema wakati msako ukiendelea kufanyika jeshi la polisi walikutana na watuhumiwa watatu wakiwemo Harumkiza (28),Kulwa Joseph Daniel na mwenzao ambaye bado anatafutwa ambapo watuhumiwa hao walikataa amri ya askari iliwataka kusimama na badala yake kukazuka majibizano baina ya askari polisi na watuhumiwa hao na hatimaye Harumkiza Joshua akapigwa risasi na kufa papo hapo.
Mwili wa marehemu uliokuwa umelazwa katika hospitali ya Wilaya ya Mpanda ulikabidhiwa kwa ndugu kwa ajili ya taratibu za mazishi baada ya uchunguzi kufanyika.
Watuhumiwa wanatarajiwa kufikishwa mahakamani mara baada ya upelelezi kukamilika
Halikadhalika katika majibizano hayo ya risasi,pikipiki moja yenye namba za usajili T241CKZ SANLG pamoj na kitambulisho cha kupigia kura vilivyobainika kuwa mali ya mtuhumiwa aliyetoroka vilikamatwa.
Hata hivyo Kamanda amewaonya wananchi wanaomiliki silaha kinyume na sheria ambapo pia ametoa wito kwa wananchi kuendelea kutoa taarifa za uharifu ili udhibitiwe kabla ya kusababisha madhara kwa jamii.

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more