SITA WAHUKUMIWA MIAKA 20 JERA KWA JARIBIO LA KUUA,YUMO MWENYE UALBINO ALIYEKATWA MKONO-Septemba 1,2017

-


MAHAKAMA Kuu  ya Tanzania Kanda ya Sumbawanga  imewahukumu  washtakiwa  sita   kati ya kumi kifungo cha miaka 20 jela baada  ya  kuwatia hatiani kwa makosa mawili ya kula njama ya kuua na jaribio la kumuua mtoto mwenye  ulemavu wa  ngozi ‘albino” Mwigulu Matonange (13) kwa kumkata mkono wake wa kushoto .

Hukumu hiyo ambayo imesomwa leo  mahakamanki hapo  imevuta hisia  ya wakazi wa Mji wa Sumbawanga akiwemo Mkuu wa mkoa wa Rukwa,Zelothe Steven aliyehudhuria  na kusikiliza hukumu hiyo hadi mwisho.
Akisoma hukumu hiyo Jaji wa mahakama Kuu  ya Tanzania Kanda ya Sumbawanga Dk Adam Mambi  pia aliwaachia huru  washtakiwa wanne  baada  ya upande wa mashtaka  kushindwa kuthibitisha  bila kutia shaka  yoyote  makosa yao .
Waliohukumiwa  kutumikia kifungo cha miaka 20 jela  kila mmoja ni pamoja na   Weda Mashilimu “Baba Siha ,Ignas Sungura , James Paschal , Nickson Ngalimia Ibrahim Tela na  Faraja Jailos  “Mwezi mpya “.
Walioachiwa huru ni pamoja na Kulwa Mashilimu,Peter Said“Simon Msalaba”,Hamis Rashid na  James Ngalamio.
Jaji Dk.Mambi alisema washtakiwa  sita walitenda  makosa  hayo  kinyume  na  kifungu cha 215 cha  kanuni  ya  sheria ya adhabu Sura namba 16  iliyofanyiwa marekebisho 2002  na Kifungu 211 cha kanuni ya sheria ya adhabu .
“Katika  kosa la kwanza la kula njama  ya kuua  adhabu  yake  ni  kifun go cha miaka 14 jela  na kosa la pili  la  jaribio la kuua  adhabu yake  ni kifungo cha maisha  lakini  mahakama kwa kuangalia  maombi yaliyotolewa , kwamba  washtakiwa wote  ni kosa lao la kwanza  pia na aina ya makosa yenyewe inawahukumu  kutumikia  kila mmoja  kifungo cha miaka 20 jela ….” Alihukumu .
Kwa mujibu wa hati mashtaka mahakamni hapo  watuhumiwa hao wanadaiwa kutenda makosa hayo Februari 15,2013  mchana  katika kijiji cha Msia kilichopo katika Bonde la Ziwa Rukwa  wilayani Sumbawanga.
Upande wa Mashtaka  ulioongozwa na Mwanasheria wa Serikali,Fadhili Mwandolo  uliwaita mashahidi 12 akiwemo mama mzazi wa mtoto  Mwigulu,kwa sasa  mtoto huyo anaishi nchini Marekani .
Aidha kwa upande wa  utetezi  uliokuwa na  mawakili Baltazar Chambi,Charles Kasuku,Peter Kamyalile  na Mathia Budodi   ulikuwa na mashahidi kumi .
Katika maombezi  hayo  mawakili hao waliiomba mahakama  iwaangalie washtakiwa hao kwa jino na moyo wa huru  kwa kuwa wamekaa  mahabusu   kwa miaka  minne na miezi minne .
Mwandishi:Petty Siame,Mhariri :Issack Gerald
Habari zaidi ni www.p5tanzania.blogspot.com  

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more