SERIKALI KUAJIRI WATUMISHI 3100 WA SEKTA YA AFYA KABLA YA SEPTEMBA 30 MWAKA HUU-Agosti 16,2017

-


Waziri wa Afya Ummy Mwalimu
SERIKALI imesema inatarajia kuajiri watumishi wa sekta ya Afya 3100 wakiwemo 35 katika Halamshauri tano za Mkoani Katavi kabla ya Septemba 30 mwaka huu.

Kauli hiyo imetolewa leo na Waziri wa Afya,Maendeleo ya Jamii,Jinsia Wazee na Watoto Mh.Ummy Mwalimu wakati akizindua zoezi la siku tano la upimaji wa magonjwa yasiyoambukiza katika viwanja vya Polisi Mpanda Mjini.
Aidha Waziri Ummy pamoja na mambo mengine amesema kwa sasa nchi ina uhaba wa watumishi katika sekta ya afya kwa asiliamia 49 huku Mpanda pekee ikiabiliwa na Uhaba wa watumishi katika sekta hiyo kwa asilimia 69 ambapo serikali imeahidi kutoa kipaumbele kwa mikoa tisa ya pembezoni mwa nchi Ukiwemo mkoa wa Katavi yenye uhaba mkubwa wa watumishi.
Katika hatua nyingine Waziri Ummy amesema serikali itachukua hatua kali dhidi watendaji wa serikali watakaoiba fedha au kuzitumia vibaya fedha zilizotengwa kwa ajili ya dawa na kusababisha dawa hizo kukosekana katika hospitali.
Kwa upande wao Wabunge Mh.Sebastian Kapufi wa Jimbo la Mpanda Mjini na Mh.Anna Lupembe wa viti maalumu Mkoani Katavi wameiomba serikali kutatua changamoto za Hospitali ya Wilaya Mpanda ambazo zimekuwepo kwa muda mrefu ambapo Waziri Ummy amesema serikali itaongeza bajeti ili hospitali iwe na uwezo wa kuhudumia wagonjwa kulingana na idadi ya wagonjwa katika Mkoa wa Katavi.
Bajeti ya dawa hapa nchni imeongezwa kutoka Shilingi Bilioni 31 kabla ya utawala wa Rais Magufuli na kufikia shilingi bilioni 269 tangu mwaka 2015 ambapo kwa mkoa wa Katavi bajeti imeongezwa kutoka Shilingi milioni 280 na kufika bilioni 1.3 zikiwemo Shilingi milioni 220 za hospitali ya Wilaya ya Mpanda ambazo ziliongezeka kutoka Shilingi milioni 106 kabla ya mwaka 2015 .
Wakati huo huo Waziri Ummy amesema pesa yoyote itakayopatikana atailekeza mkoani Katavi kwa ajili ya ujenzi wa Hospitali ya Rufaa ya mkoa wa Katavi na ujenzi wa wodi ya wazazi na watoto ili kutatua changamoto ya zaidi ya mgonjwa mmoja kulala katika kitanda kimoja.
Kuhusiana na Mgao wa madaktari 258 waliotakiwa kwenda nchini Kenya kufanya kazi,kati ya hao madaktari 5 wameletwa Mkoani Katavi ambapo Manispaa ya Mpanda imepokea-watumishi 3,Halmashauri ya Nsimbo mtumishi -1 na Halmashauri ya Mlele mtumishi aliyepangiwa akiwa bado hajaripoti.
Nao baadhi ya wananchi Mkoani Katavi wameeleza kero zao ikiwemo ukosefu wa baadhi ya dawa pamoja kuuziwa vifaa tiba na walinzi wa getini katika hosiptali ya Wilaya ya Mpanda suala ambalo Waziri Ummy amelipiga Marufuku.
Wakati huo huo katika zoezi la upimaji wa magonjwa yasiyopewa kipaumbele lilianza jana na kuzinduliwa leo na Waziri wa Afya,maendeleo ya Jamii,Jinsia Wazee na watoto Mh.Ummy Mwalimu,Zaidi ya wagonjwa 500 Mkoani Katavi wamejitokeza kupima afya zao na wengine kupatiwa matibabu katika zoezi la siku tano linaloendeshwa na madaktari bingwa wapatao 25 kutoka Dar es Salaam likisimamiwa na mbunge wa viti maalumu Mkoani Katavi Mh.Anna Lupembe.
Waziri Ummy anatarajia kuhitimisha ziara yake ya siku mbili kesho Mkoani Katavi ambapo anatembelea pia vituo vya huduma za afya Wilayani Tanganyika.
Habari zaidi www.p5tanzania.blogspot.com

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more