MADAKTARI BINGWA KUTOKA DAE SES SALAAM WATOWEKA BILA TAARIFA KWA WAGONJWA MKOANI KATAVI,WAGONJWA WAHAHA KUPATA MATIBABU,MGANGA MKUU MKOA WA KATAVI ASHIKWA KIGUGUMIZI KUSEMA HALI ILIVYO-Agosti 18,2017

-
Mh.Anna Lupembe Mbunge viti Maalumu Katavi(PICHA na.Issack Gerald)
WAGONJWA ambao wamewasili  Mjini Mpanda wakitokea maeneo mbalimbali Mkoani Katavi kwa lengo la kupimwa na kutibiwa na madaktari bingwa wameeleza kusikitishwa na hatua ya madaktari hao kuondoka ghafla bila kutoa taarifa hatua ambayo imesababisha wagonjwa kupoteza muda na gharama za usafiri.


Hali hiyo imeibuka leo katika viwanja vya polisi Mpanda baada ya wagonjwa kuwasili katika viwanja vya polisi tangu alfajili na hatimaye kutowaona madaktari wanaotakiwa kuwapima na kuwatibu ambapo wameiomba serikali kuhakikisha madaktari wanajipanga kabla ya kuja kutoa huduma.
Baadhi ya wagonjwa wakiwa wamekata tamaa kutokana na hali kutoeleweka pamoja na mambo mengine wakaeleza ya moyoni mwao.
Hata hivyo Kutokana na hali hiyo Mganga Mkuu wa Mkoa wa Katavi Dkt.Yahya Hussein amefika kutoa ufafanuzi mbele ya wagonjwa zaidi ya 100 waliokuwepo ambapo hakutaka kurekodiwa na chombo cha habari wakati akizungumza na hatimaye kusema chanzo cha madaktari kuondoka ni uhaba wa dawa.
Jumanne ya Wiki hii Waziri wa Afya Maendeleo ya Jamii Jinsia Wazee na watoto Mh.Ummy Mwalimu alizindua zoezi la Siku tano la upimaji wa magonjwa Sugu ambapo juzi na jana akiwa Wilayani Tanganyika na Mlele aliwahamasisha wakazi kujitokeza kwa wingi kupatiwa matibabu.
Wakati huo huo,mbunge wa viti maalumu mkoani Katavi Mh.Anna Lupembe aliyekuwa akiratibu zoezi zima la kuleta madaktari hao mkoani Katavi alipotafutwa kwa njia mbalimbali ikiwemo kwa ya simu ili atoe ufafanuzi wa hali ilivyo juhudi hazikufanikiwa hata simu yake licha ya kuwa hewani haikupokelewa ambapo hata Mkurugenzi wa Taasisi ya CCP ya Dar es Salaam inayohusika na kudhibiti magonjwa sugu Dkt.Frank Manase ambaye naye alikuwa akiongoza masafara wa madaktari bingwa 25 naye pia hakupokea simu alipotafutwa
Miongoni mwa magonjwa sugu yaliyokuwa yanapimwa na mengine kutibiwa ni pamoja magonjwa ya moyo ikiwemo Shinikizo la damu na magonjwa ya saratani ikiwemo saratani ya mlango wa shingo ya kizazi saratani ya matiti saratani ya tezi dume na ugonjwa wa kisukari.
Jumla ya madaktari bingwa 25 kutoka taasisi mbalimbali zikiwemo taasisi ya Moyo ya Jakaya Kikwete taasisi ya Saratani ya Ocean Road na taasisi zinazoshghulikia matatizo ya meno zilikuwepo kuendesha zoezi la siku tano la kupima na kutibu wagonjwa ambapo hata hivyo wametumia siku tatu badala ya siku tano huku mamia ya wakazi mkoani Katavi wakikosa kupimwa na kutibiwa.

Habari zaidi ni www.p5tanzania.blogspot.com

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more