MADAI YA WAKAZI WA KITONGOJI CHA MGOLOKANI MKOANI KATAVI KUDAI KUWAMIWA NA SERIKALI NA KUBOMOLEWA MAKAZI YAO WAKATI WA OPARESHENI YA KUWAONDOA WAVAMIZI WA HIFADHI ZA MISITU KUWAKUTANISHA VIONGOZI WA WILAYA YA MPANDA KUSAKA SULUHU-Agosti 15,2017

-


HALMASHAURI ya Wilaya ya Nsimbo Mkoani Katavi ijumaa ya wiki hii,inatarajia kukutana na Uongozi wa Wilaya ya Mpanda pamoja na viongozi wa hifadhi ya misitu Wilayani Mpanda, kujadili madai ya wananchi wa kitongoji cha Mgolokani kilichopo kijiji cha Matandalani kata ya Sitalike halmashauri ya Nsimbo wanaodai kuvamiwa na Serikali na kuharibu makazi yao kwa madai yanayotolewa na serikali kuwa wakazi hao wamejenga makazi yao katika eneo la hifadhi ya misitu.

Mwenyekiti wa Halmashauri hiyo Mh.Raphael Kalinga amebainisha hayo leo wakati akieleza hatua zinazochukuliwa na Halmashauri ili kutafuta ufumbuzi wa madai ya wakazi wa kitongoji cha Mgolokani wanaodai pia kuwa wapo nje ya mipaka ya hifadhi ambapo mpaka sasa mamia ya wakazi kwa zaidi ya wiki moja tangu kubomolewa makazi yao wameendelea kuishi chini ya miti.
Wiki iliyopita,mwenyekiti wa kitongoji cha Mgolokani Bw.Divason Kisulo alisema mpaka sasa kaya zipatazo 215 zimebomolewa makazi ya yao na baadhi ya mali zao zikiwemo sola za umeme kupotea wakati wa zoezi la ubomoaji ambapo wakazi wapatao zaidi ya 1075 wanatarajia kuathirika ikiwa oparesheni katika eneo hilo litaendelea.
Wakati huo huo wakazi wa eneo hilo walidai mtu mmoja alifariki dunia kwa kugongwa na gari na mwingine kujeruhiwa kwa kile ambacho wananchi walidai kuwa walipatwa na ajaili hiyo katika harakati za kubomoa makazi yao.
Wakazi wa kitongoji cha Mgolokani wanadi kuishi katika kitongoji hicho kuanzia mwaka 1974 ambapo mwezi Julai mwaka huu 2017 wahifadhi wa misitu walifika kuhakiki mipaka na wakazi hao kuhakikishiwa kuwa wao wako eneo salama hali ambayo iliwaacha na mshangao nyumba zao zilipoanza kubomolewa.
Kwa upande wake Mkuu wa Wilaya ya Mpanda Bi.Lilian Charles Matinga amekuwa akisisitiza kuwa lazima waliojenga ndani ya hifadhi katika maeneo mbalimbali ya wilaya ya Mpanda lazima watii agizo la kuondoka katika maeneo hayo.
Maeneo mengine ambayo yamekumbwa na oparesheni ya kuwaondoa wakazi wanaodaiwa kuvamia hifadhi za misitu hivi karibuni ni kijiji cha Litapunga pamoja na Kitongoji cha Makutanio katika Halmashauri ya Wilaya ya Nsimbo.
Habari zaidi Bofya www.p5tanzania.blogspot.com

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more