KAMATI TENDAJI MRADI ELIMU JUMUISHI MKOANI KATAVI NA UJUMBE WA UGENI KUTOKA MIKOANI WAFANYA KIKAO KUJADILI MAHITAJI YA WATOTO WENYE ULEMAVU

-

Na.Issack Gerald Bathromeo Mashama-Katavi

JAMII Mkoani Katavi imetakiwa kushiriki ipasavyo kuwafichua watoto wenye Ulemavu ili wapatiwe elimu kama watoto wengine wasio na ulemavu.


Wito huo umetolewa leo na Verhan Bakari ambaye ni mwezeshaji utathmini na utafiti wa mradi wa elimu Jumuishi  kutoka chuo cha Maendeleo ya Jamii Tengeru Arusha ambaye amekuja  Mkoani Katavi kutathmini mafanikio na changamoto pia mikakati inayotakiwa kuchukuliwa ili kuendeleza mradi wa elimu Jumuishi katika Mikoa ya Rukwa na Katavi.

Akizungumza na Kamati tendaji ya kulea baraza la watoto wenye mahitaji maalumu Wilayani Mpanda katika Ofisi za Kamati hiyo zilizopo Mpanda Mjini,Bw.Bakari amesema kila mtu kwa nafasi yake ni wajibu wake kuhakikisha watoto wenye ulemavu hawanyanyapaliwi kwa namna yoyote hususani katika sekta ya elimu au mahitaji ya msingi anayotakiwa kupatiwa.

Kwa upande wake Mratibu wa mradi wa elimu Jumuishi Mkoani Katavi Bw.Raphael Fortunatus,mbali na kutoa wito kwa wazazi na walezi kuwapeleka shule watoto wenye uleamvu,amesema mafanikio ya mradi huo ambayo yamepatikana kwa kipindi cha mwaka 2015/2016 ni kuongezeka wanafunzi walioandikishwa shuleni,ambapo kuanzia mwezi Januari 2016 mpaka mwezi huu,zaidi ya watoto wenye ulemavu 90 wameandikishwa ikilinganishwa na watoto wapatao 50 waliokuwa wakiandikishwa kwa kipindi cha nyuma kabla ya mradi kuanza 2012.

Bw.Fortunatus ambaye pia ni Mwalimu wa Shule ya Msingi Azimio anayefundisha wanafunzi wenye ulemavu,ametaja baadhi ya maeneo ambayo wanafunzi wenye ulemavu wameongezeka kuandikishwa shuleni kuwa ni pamoja na Kata ya Mwamkulu,Kakese na Manispaa ya Mpanda ambapo pia amesema kwa sasa maeneo mengi yana majengo rafiki kwa mtoto mlemavu ikiwemo vyoo na madarasa.

Naye Serapioni Rwegasila ambaye ni mzazi katika kamati ya kulea baraza la watoto Wilayani Mpanda,amesema bado kuna wazazi na walezi hawatambui umuhimu wa mtoto mlemavu kupatiwa elimu na ameomba elimu zaidi itolewe kwa wazazi hao wasiotambua umuhimu huo.

Mradi wa elimu Jumuishi ulioanza mkoani Katavi mwaka 2012 unawezeshwa na Shirika la IFI lenye muunganiko wa washirika watatu ambao ni Internation Aid Services(IAS),Free Pentecoastal Church of Tanzania(FPCT) na International Centre Of Disability(CID).

Habarika zaidi na P5TANZANIA.BLOGSPOT.COM

Kwa maoni au Ushauri tuma kupitia p5tanzania@gmail.com

Mwandishi na Mhariri: Issack Gerald Bathromeo Mashama

 

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more