MKUU WA WILAYA YA TANGANYIKA AFUTA RASMI USHURU,YEYE NA MKURUGENZI WA HALMSHAURI YA WILAYA YA TANGANYIKA WAACHA NAMBA ZA SIMU KWA WANANCHI ILI WAPOKEE KERO ZA WANANCHI HATA KWA SIMU

-


Na.Issack Gerald Bathromeo
Mkuu wa Wilaya ya Tanganyika Tanganyika  Saleh Mbwana Mhando ametangaza rasmi kufuta ushuru kwa fanyabiashara wadogo kwa wakazi wa Wilaya ya Tanganyika kama Rais wa Jamhuri ya Muungano alivyoagiza kufuta ushuru unaomkandamiza mwananchi.
Baadhi ya wananchi katika Kijiji cha Ipwaga wakimpokea Mkuu wa Wilaya ya Tanganyika Bw.Salehe Mbwana Mhando mara baadha ya kuwasili kijiji cha Ipwaaga(PICHA NA.Issack Gerald)Agosti 5,2016
Mkuu wa Wilaya ya Tanganyika Bw.Salehe Mbwana Mhando akisaini katika kitabu cha wageni Kijiji Ipwaga(PICHA NA.Issack Gerald)Agost  5,2016
                          

Bw.Mhando ametangaza jana rasmi kufuta ushuru huo wakati akizungumza  na wakazi wa kata za Ipwaga na Mishamo alipofanya ziara ya kujitambulisha kwa wananchi na kusikiliza kero za wananchi wa kata hizo.
Amesema kuwa,wanaotakiwa kulipa ushuru ni wafanyabiashara wanaosafirisha mizigo kutoka sehemu moja kwenda sehemu nyingine kwa ajili ya baiasahara na siyo mkulima wa kawaida anayetoa mazao shambani kwenda kula au muuzaji wa bidhaa ndogondogo kama vile nyanya,mchicha,dagaa na bidhaa nyingine ndogondogo kwa ajili ya kujikimu kimaisha.
Aidha amesema kuwa mtoza ushuru wa aina yoyote aliyekuwa akitoza ushuru ni bora akafanye kazi nyingine ili kujiepusha kujiweka katika matatizo kwa serikali ya awamu ya tano imelenga kumsaidia mwananchi wa hali ya chini.
Kwa upande wake Mkurugenzi Mtendaji Halmshauri ya Wilaya ya Tanganyika amesema ni wakati wa kutenda kuliko maneno kwa kuwa wananchi wanahitaji maendeleo na kusisitiza kuwa serikali haitamfumbia macho mtumishi wa Halmshauri ya Wilaya ya Tanganyika atakayekiuka kanuni za utumishi na maadili ya kazi yake anayotakiwa kuitekeleza.
Kwa upande wao wakazi wa  kata za Mishamo na Ipwaga  wakizungumza kwa furaha,wamepongeza Serikali ya Wilaya ya Tnaganyika na serikali ya awamu ya tano kwa kufuta ushuru unaomkandamiza mwananchi na kusema kweli serikali ya awamu ya tano imelenga kuwakomboa.
Wakati huo huo Mkuu wa Wilaya ya Tanganyika Bw.Salehe Mbwana Mhando na Mkurugenzi Mtendaji wa Halmshauri ya Wilaya ya Tanganyika Bw.Ngalinda Hawamu Ahmada wamewaachia namba za simu wananchi ili wazitumie kuwa pigia wanapoona kuna kero katika maeneo yao ikiwemo kero za viongozi wao kuwanyanyasa,kutopata huduma za jamii ipasavyo kama hospitalini na watendaji wote watakaotenda kinyume na kanuni za utumishi.
Hata hivyo wamesisitiza kutotumia namba hizo kuongea majungu isipokuwa watoe taarifa zenye ukweli ili zidfanyiwe kazi haraka na mwananchi yeyote atakayetoa taarifa za uongo pia naye atashughulikiwa kisheria.
Mhariri:Issack Gerald Bathromeo
Habarika Zaidi na P5TANZANIA.BLOGSPO.COM

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more