MGOGORO WA ARDHI KIJIJI CHA TUMAINI WILAYANI MPANDA WATOKOTA

-


Na.Issack Gerald Bathromeo-Mpanda
Serikali ya kijiji cha Tumaini Halmshauri ya Wilaya ya Nsimbo Wilayani Mpanda mkoani Katavi,imewalalamikia watu wanaowatishia maisha kwa madai kuwa kijiji hicho kinataka kuwanyang’anya ardhi yao.
Viongozi wa serikali ya kijiji cha Tumaini katika picha ya pamoja,wa tatu kutoka kushoto ni mwenyekiti wa kijiji Bw.Billu Bukwaya na wakwanza kutoka kushoto(mwenye shati nyeupe) ni  mwenyekiti wa kitongoji cha Tulieni na wengine waliobaki ni wajumbe wa kamati ya ardhi ya Kijiji cha Tumaini(PICHA NA.Issack Gerald)

Uongozi wa kijiji hicho umesema kuwa,vitisho vya maisha wanavipata kutoka kwa baadhi ya viongozi waliokuwepo madarakani katika kipindi cha uongozi uliopita ambapo takribani watu 10 wakiwemo viongozi hao ndio wanadaiwa kuhodhi heka 2850 bila kufuata utaratibu wa sheria za kijiji.
Kwa mjibu wa taarifa ya Muhtasari wa kikao cha Halmsahuri ya Kijiji cha Tumaini kilichofanyika Aprili 16 mwaka huu,inaonesha kuiwa miongoni mwa wanaotuhumiwa kuhodhi ardhi kwa kukiuka kifungu cha 8 cha sheria ya ardhi ya kijiji namba ‘5’ ya mwaka 1999 ni Bw.Willium Midende mwenyekiti wa zamani wa kijiji cha Tumaini anayedaiwa kuhodhi eneo la Heka 1500,Mwenyekiti wa zamani wa Huduma za Jamii Bw.Kadumi Shija aliyehodhi eneo la heka 200 huku Bw.Mashaka John Malale aliyekuwa katibu wa huduma za jamii kipindi cha uongozi uliopita yeye kwa upande wake akituhumiwa kukimbia na nyaraka za serikali ya kijiji na kuendelea kugawa ardhi kwa kutumia nyaraka hizo.
Hata hivyo watuhumiwa hao walikana tuhuma dhidi yao ikiwemo kuwatishia maisha viongozi wa kijiji cha tumaini ambapo mwenyekiti mstaafu Bw. Willium Midende amsema kuwa eneo analomiliki ni ni kati ya heka 30-35 alizogawiwa na kijiji kihalali huku Bw.Kadumi shija yeye akisema kuwa anamiliki Heka kati ya 25-35 alizopewa na kijjiji ambapo hata hivyo kwa upande wake Bw.Mashaka John Malale aliyekuwa katibu wa huduma za jamii akikanusha kukimbia na nyaraka za serikali na kuzitumia kugawa mashamba ambapo alisema kuwa alizonazo ni taarifa zilizokataliwa katia mkutano wa kijiji pekee.
Kwa upande wake Afisa Mtendaji wa Kata ya Itenka Bw.Omary Hussein ambaye ametajwa kutopeleka muhtasari katika ngazi ya Halmashauri ya wilaya kwa utatuzi wa migogoro amesema hajakataa kupeleka bali anasubiri muhtasari wa kikao cha Halmshauri ya kijiji cha Tumaini.
Aidha Afisa Mtendaji wa Kata ya Itenka Bw.Omary Hussein amesema,leo amepokea majina manne ya watu wanaodaiwa kuwatishia maisha viongozi wa kijiji cha Tumaini na kuahidi kulishughulikia kwa mjibu wa sheria.
Hata hivyo mwenyekiti wa Halmshauri ya Wilaya ya Nsimbo Mh.Raphael Kalinga amesema yeye kama mwenyekiti wa halmshauri ya Wilaya hajapokea taarifa ya mgogoro huo na ametoa wito kwa viongozi wa kijiji cha Tumaini kupeleka taarifa za mgogoro huo ikiwa kuna tatizo ili lishughulikiwe haraka.
Mhariri:Issack Gerald Bathromeo Mashama
Endelea kuhabarika na ‘’P5TANZANIA.BLOGSPOT.COM’’

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more