RIPOTI YA KUKAMATWA KWA WATUHUMIWA WA NYARA ZA SERIKALI KATAVI HII HAPA KUANZIA DESEMBA 24,2014--DESEMBA 30,2015

-

Na.Issack Gerald-Katavi
JESHI la Polisi mkoani Katavi kwa kushirikiana na askari wa Shirika la Hifadhi za Taifa (TANAPA), wamefanikisha kukamata watu 11 wanaohutumiwa kumiliki nyara za serikali, yakiwemo meno ya tembo yenye thamani ya zaidi ya Sh milioni 532.5 kati ya Desemba 24, 2014 na Desemba 30 mwaka 2015.
                                                              
Kamanda wa polisi Mkoani Katavi Dhahiri Kidavashari (PICHA na Issack Gerald)

Kwa mujibu wa Kamanda wa Polisi mkoa wa Katavi, Dhahiri Kidavashari, katika kipindi hicho vipande 67 vya meno ya tembo vyenye uzito wa kilo 155.5 vilikamatwa, vyote vikiwa na thamani ya sh milioni 515.5.
Alisema watuhumiwa saba kati ya 11 wameshafikishwa mahakamani ambapo wengine wanatumikia vifungo huku mashauri ya wengine yakiwa katika hatua mbalimbali za kusikilizwa. Watuhumiwa watatu wanaendelea kuhojiwa ambapo watafikishwa mahakamani mara tu baada ya upelelezi wa awali wa shauri lao kukamilika.
Alisema kati ya Desemba 24 mwaka 2014 na Januari 12 mwaka 2015 watuhumiwa wanne wanaosadikiwa wanamtandao wa biashara haramu ya meno ya tembo walikamatwa wakituhumiwa kukutwa na vipande 47 vya meno ya tembo vikiwa na uzito wa kilo 88.7 vyenye thamani ya zaidi ya Sh milioni 306 .
Aidha, Desemba 24 mwaka 2014 saa kumi na mbili alfajiri Jeshi la Polisi mkoani humo liliwakamata watu wawili mjini Mpanda wakiwa wanataka kusafirisha vipande 22 vya meno ya tembo nyenye uzito wa kilo 46.3 vyenye thamani ya zaidi ya milioni 157 katika basi la Adventure.
Akizungumza na gazeti hili kwa njia ya simu Kamanda Kidavashari alisema Januari 12, mwaka 2015 , saa mbili na robo usiku watuhumiwa wengine wawili walikamatwa wakiwa na vipande 25 vya meno ya tembo vikiwa na uzito wa kilo 42 vyenye thamani ya zaidi ya Sh milioni 148.5.
Akifafanua, alisema watuhumiwa hao walikamatwa na askari polisi wawili waliokuwa walisindikiza basi la abiria, mali ya Kampuni ya AM yenye namba za usajili T 740 AQD lililokuwa likitokea mjini Mpanda mkoani humo na kuelekea Mwanza. “Watuhumiwa hao walikamatwa baada ya kutiliwa mashaka na askari polisi walipokuwa wakipanda basi hilo la abiria wakiwa na mabegi matatu waliyoingia nayo ndani ya gari hilo,“ alieleza.
Aprili 4 mwaka 2015, Polisi mkoani Katavi iliwakamatwa na watu wawili wakituhumiwa kukutwa na nyara ya Serikali yenye thamani ya zaidi ya Sh 49.5. Nyara hizo za Serikali zimetambuliwa kuwa ni vipande vinane vya meno ya tembo vyenye uzito wa kilo 8.2.
Alisema watuhumiwa hao walikamatwa Aprili 04, mwaka 2015 , saa sita usiku katika wakiwa katika nyumba ya kulala wageni iitwayo Salama iliyopo katika eneo la Majengo mjini Mpanda.
“Kabla ya watuhumiwa kukamatwa, Jeshi la Polisi lilipata taarifa za kiitelijensia kutoka kwa raia mwema kuwa katika nyumba ya kulala wageni ya Salama kuna wageni wawili wana meno ya tembo … mtego uliwekwa na kufanikiwa kuwakamata watuhumiwa,” alisisitiza.
Jeshi la Polisi mkoani Katavi liliendelea kupata mafaniko makubwa katika mapambano dhidi ya ujangili baada ya kuwakamata watu wawili wakiwa na vipande nne vya meno ya tembo vyenye uzito wa kilogramu 47.6 vyenye ya zaidi ya Sh milioni 60 .
Kwa mujibu wa Kidavashari walikamatwa Novemba 11 mwaka 2015 saa saba na nusu mchana katika kitongoji cha Tompola kijiji cha Usevya, tarafa ya Mpimbwe wilayani Mlele. Kutokana na matukio hayo, Kamanda Kidavashari ameendelea kuonya wananchi kuachana na biashara haramu za nyara za serikali na uwindaji haramu kwani ni uharibifu wa rasilimali za Taifa.

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more