GEREZA LA KALILANKULUKULU NA TAASISI ZAKE AMBAZO NI SHULE NA ZAHANATI HATARINI,BAADHI YA WAFUNGWA HAWANA SARE,BAADHI YA ASKARI MAGEREZA NAO WALAZIMIKA KUTUMIA PESA ZAO KUSHONA SARE KWA MIAKA 8 SASA,KUTA ZA MAJENGO YA ZAHANATI NAYO KUANGUKA MUDA WOWOTE,VYOO VYA WANAFUNZI NAVYO VYAJAA VYAZIBA BILA HATUA KUCHUKULIWA KIPINDUPINDU KUBISHA HODI.

-


Na.Issack Gerald Bathromeo Mashama-Tanganyika Katavi
GEREZA la Kalilankulukulu lililopo Wilayani Tanganyika Mkoani Katavi lililoanzishwa mwaka 1973 ,linakabiliwa na matatizo mbalimbali yakiwemo baadhi ya wafungwa wa gereza hilo kukosa sare huku pia baadhi ya asakari wa gereza hilo,wakilazimika kutumia pesa yao kushona sare zao kutokana na serikali kutowapa sare hizo tangu mwaka 2009 licha ya viongozi kadhaa wa wizara,Mkoa hadi Wilaya kuwa na taarifa ya matatizo hayo.  
Mwigulu Nchemba waziri wa mambo ya ndani ya Nchi ambaye kwa kiasi kikubwa gereza zipo chini ya wizara yake kama waziri
                                                              
Mhe. Mhandisi Isack Kamwelwe Naibu waziri wa Nishati na madini(Mbunge wa Jimbo la Katavi)
                      

Hali hiyo ya kukosekana kwa sare za wafungwa imethibitishwa na Mkuu wa Gereza la Kalilankulukulu ACP Samwel Oberthe  katika ziara ya kushtukiza ambayo imefanywa leo na mbunge wa viti maalumu  Mkoani Katavi Taska Mbogo,katika ziara ambayo alikuwa ameambatana na Mkuu wa Wilaya ya Tanganyika Saleh Mhando huku tatizo la askari magereza kutumia pesa yao likithibitishwa na baadhi ya askari magereza ambao hawakutaka majina yao yatajwe.
Aidha Katika ziara hiyo,Mkuu wa Gereza la Kalilankulukulu ACP Samwel Oberth amezitaja changamoto nyingine zinazolikabili gereza hilo kuwa ni ukosefu wa umeme,maji ambapo wafungwa hualzimika kuchota maji tena yasiyo salama katika maenewo ya kona Mnyagala umbali wa kilomita 8 huku changamoto nyingine ya gereza hilo ikiwa ni hali mbaya uchakavu wa majengo ya gereza hilo.
Wakati huo huo ACP Oberthe amesema majengo ya zahanati ya Kalilankulukulu yapo hatarini kuanguka kutokana na kuwa na nyufa kubwa za muda mrefu ambapo huenda muda wowote kukatokea madhara makubwa kwa watumiaji wa majengo ya zahanati hiyo.
Nao baadhi ya wafungwa wakizungumza mbele ya mbunge wameeleza kusikitishwa na kutopata nakala za hukumu zao kwa muda mrefu na kutopata mrejesho wa rufaa wanazokuwa wamekata ambapo Mkuu wa Wilaya kwa kushirikiana na Mkuu wa Gereza wameahidi kufuatulia ili wafungwa wapate majibu yao kwa mjibu wa sheria.
Katika hatua nyingine Mwalimu Mkuu wa shule ya Msingi Kalilankulukulu Boazi Masoko,akizungumza katika ziara ya mbunge huyo amesema,matundu ya vyoo 5 vya shule hiyo yanayotumiwa na wanafunzi wapatao 500 yamejaa na kuziba tangu mwaka jana,ambapo hali hiyo inatishia muda wowote kutokea  milipuko wa magonjwa ya kipindupindu ikiwa serikali na wadau hawatachukua hatua za haraka kunusuru hali hiyo.
Kwa mjibu wa taarifa ya mkuu wa Gereza,kwa mwaka 2016 miongoni mwa viongozi waliopata na taarifa ya changamoto za gereza hilo ikiwemo baadhi ya  wafungwa kutokuwa na sare ni Pamoja na Waziri wa mambo ya ndani ya nchi Mh.Mwigulu Nchemba ambaye alipata taarifa alipofanya ziara Mkoani Katavi mwaka huu,huku changamoto ya ukosefu umeme akipewa naibu waziri wa nishati na Madini.
Katika changamoto ya Ukosefu wa maji,wizara ilipata taarifa kupitia kwa naibu waziri wa maji na umwagiliaji Mhe. Mhandisi Isack Kamwelwe (Mbunge Jimbo la Katavi) ambapo viongozi wote kwa pamoja kwa nyakati tofauti waliahidi kuzifanyika kazi.
Hata hivyo,agizo la kupelekwa umeme katika gereza la Kalilankulukulu alilolitoa naibu waziri wa nishati na Madini kwa mwezi Agosti mwaka huu kwa Shirika na umeme Tanzania TANESCO Mkoani Katavi ,halijatekelezwa licha ya shirika hilo kusikika kupitia vikao mbalimbali likitoa taarifa ya mkakati wa umeme Mkoani Katavi.
Kwa upande wake Mkuu wa Wilaya ya Tanganyika Saleh Mhando amesema lazima matatizo ya gereza hilo hususani zilizopo chini Wilaya yake hatua za ufumbuzi zianshwe ambapo kwa Upande wake Mbunge Taska Mbogo mbali na kuahidi kuwasilisha matatizo ya wafungwa wa gereza hilo Bungeni pia ametoa msaada wa Zaidi ya laki tatu kwa ajili ya kununua vyombo kwa ajili ya kulia vyakula ambapo tatizo hilo nalo limekuwepo kutokana na kuongezeka kwa wafungwa kutoka 45 miaka iliyopita hadi 176 kwa sasa.
Endelea kuhabarika na P5TANZANIA.BLOGSPOT.COM
Kwa maoni au ushauri tuma kupitia p5tanzania@gmail.com

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more