WIKI YA WAUGUZI MKOANI KATAVI YAZINDULIWA WAGONJWA KUPATIWA MATIBABU BILA MALIPO HADI MEI 12 KILELE CHA MAADHIMISHO

-

WAUGUZI na Madaktari Wilayani Mpanda Mkoani Katavi wametiwa moyo wa kufanya kazi kwa bidii na kupuuzia maneno na vitendo vya watu wanaowakatisha tamaa ya kufanya kazi za utoaji huduma ya afya kwa ufanisi.

Wito huo umetolewa leo na Mkurugenzi Mtendaji Halmashauri ya Wilaya ya Mpanda Bw.Estomihn Chang’a ambaye amemwakilisha Mwenyekiti wa Halmshauri hiyo aliyetakiwa kufungua maadhimisho hayo  ya  Wiki ya wauguzi Duniani ambapo ufunguzi huo umefanyika katika viwanja vya Hospitali ya Wilaya ya Mpanda.
Bw.Chang’a amesema ni wakati wa wauguzi na madaktari kufanya kazi bila kujali matukio na hali inayolenga kuwakwamisha katika kutoa huduma za afya kwa Wananchi.
Kwa upande wake Mganga Mkuu wa Hospitali ya Wilaya ya Mpanda Dk.Naibu Mkongwa,akizungumza kwa niaba ya wauguzi na madaktari Wiaya ya Mpanda,amesema kuwa malengo yao muda wote ni kuhakikisha wanafanya kazi kwa kutoa huduma iliyo bora na kwa bidii bila kujali watu wanawakatisha tama wanapokuwa kazini.
Awali akisoma taarifa ya Maadhimisho hayo,Mwenyekiti wa chama cha Wauguzi Tanzania TANA Mkoani Katavi Dk.Augustina  Thomas,pamoja na kusema kuwa chimbuko la Maadhimisho yaliyoasisiwa na mwaasisi Dk.Florence Nightngely aliyezaliwa mwaka 1820,amesema kuwa lengo kuu la maadhimisho hayo ni kuonesha kazi nzuri za kiuuguzi na kusaidia jamii kujua elimu ya afya zao kwa ujumla.
Kwa upande wa idara mbalimbali ambazo zimewasilisha taarifa kwa mgeni rasmi zimeonesha kuwa kumekuwepo na mwitikio katika kupata vipimo na matibabu ya magonjwa yanayowasumbua.
Katika taarifa za idara hizo,idara ya afya ya uzazi na mtoto licha ya kukabiliwa na changamoto mbalimbali wakati wa kutoa huduma ikiwemo watu kuwa na woga wa kujitokeza kupima magonjwa ya saratani yashingo ya kizazi,kwa mwaka 2016,wamefanikiwa kutoa huduma kwa watu wapatao elfu 18.
Zaidi Mratibu wa Afya ya uzazi na mtoto Wilaya ya Mpanda Dk.Gravina Kamande amebainisha.
Hata hivyo wito umetolewa kwa wakazi Mkoani Katavi kuendelea kujitokeza kuchangia damu salama ili kunusuru wagonjwa wenye uhitaji wa kuongezewa damu huku wenye matatizo ya meno nao wakitakiwa kuzingatia kanuni za afya ambapo katika takwimu ambayo imetolewa na  Mika John Mwanyama ambaye ni mkuu wa idara ya kutibu meno inaonesha kuwa kuanzia mwaka 2013 katika Wilaya ya Mpanda watu 21 wamefariki dunia kutokana na tatizo la meno kati ya hao 7 wakiwa ni wanawake ambapo kati ya hao 7 wakiwa ni wanawake wajawazito wakipoteza maisha huku walio wengi wakipoteza maisha kutokana na kuchelewa kupata huduma katika hospitali zilizothibitishwa wakipata huduma mitaani ambazo ni hatari.
Katika maadhimisho hayo,vipimo,matibabu na ushauri nasaha vinatolewa bila malipo kwa kipindi chote cha maadhimisho ya siku ya Wauguzi duniani kuanzia Mei 05 hadi 12 ambapo Mganga Mkuu Hospitali ya Wilaya ya Mpanda Dk.Naibu Mkongwa amewahakikishia wanakatavi Kuwa dawa zipo za kutosha kwa watakaofika hospitalini hapo kupatiwa matibabu bila malipo.
Kilele cha Wiki ya Mauguzi duniani  kinatarajia kufikia tamati mei 12 mwaka huu ambapo Mgeni Rasmi katika MKoa wa Katavi akitarajia kuwa Mkuu wa Mkoa wa Katavi huku mgeni rasmi kitaifa akiwa ni Rais wa Tanzania Dk.John Pombe Magufuli wakati maadhimisho hayo yatakapokuwa yakifanyikia mkoani Geita.
Mwandishi : Issack Gerald Bathromeo
Mhariri :Issack Gerald Bathromeo
Endelea kuhabarika na P5 TANZANIA MEDIA

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more