JIONEE HII KALI: WAKAZI MTAA WA MSASANI MANISPAA YA MPANDA WATESWA NA KUNGUNI,WAOMBA SERIKALI IWASAIDIE DAWA YA KUWAUA

-

Katika hali isiyokuwa ya kawaida,wakazi wa Mtaa wa Msasani Kata ya Mpanda Hotel Manispaa ya Mpanda Mkoani Katavi,wameiomba serikali kuwasaidia kupatikana dawa ya kuua wadudu aina ya KUNGUNI ambapo walisema kuwa wameshindwa kupata hata usingizi usiku.
                                             




Wakizungumza na P5 TANZANIA MEDIA Sambamba na Mpanda Radio Fm,walisema kuwa wametumia dawa ya kila aina lakini wadudu hao wameshindikana kuuwawa na kutokomezwa kabisa.
Baadhi ya wakazi waliozungumza na waandishi wa habari kwa nyakati tofauti kuhusiana na hali hio ni pamoja na Zabibu Said(56),Philbert John(36),Elisha Kenya(47),Taus Jimack(28) ambao walisema kuwa tatizo la kunguni limeathiri hata wanafunzi kwani wanasinzia darasani wanapokuwa wanasoma ambapo usingizi unasababishwa na kutolala usiku kwa sababu ya wadudu hao.
Kwa upande wake mmoja wa wajumbe wa serikali ya mtaa huo Bi.Fortunata Willium alithibitisha kuwepo kwa kunguni hao katika mtaa huo hata nyumbani kwake ambapo alisema kuwa wamezungumza ili serikali iwapatie msaada wa dawa ya kuua wadudu hao wakorofi.
Hussein Jamli Kweka mmoja wa wamiliki wa nyumba za kulala wageni maarugu kama GUEST katika Manispaa ya Mpanda,yeye ni mmiliki wa nyumba ya kulala wageni ya Grali Lodge(TWO IN ONE) alithibitisha kuwepo kwa kunguni katika mtaa wa Msassani na hata katika nyumba zake za kulala wageni ambapo alisema kuwepo kwa kunguni katika nyumba yake ya kulala wageni kumemuathiri katika suala la kipato ambapo wateja wengi wamekuwa wakikimbia kutokana na wadudu hao kuwa wasumbufu kwa wageni wanaolala mahali hapo.
Hata hivyo chanzo cha wadudu hao kinasemekana ni kuwepo kwa uchafu ndani ya nyumba hususani katika vitanda vya kulalalia licha ya kuwa halijathibitishwa na wataalamu wa afya.
Idadi kubwa ya wakazi waliozungumza na Mtandao huu sanjari na  Mpanda Radio walitaja vyandarua vya msaada kuwa chanzo cha kunguni hao kwa kuwa vyumba ndani ya nyumba au wakazi wasiotumia vyandarua hivyo hawana kunguni ndani ya nyumba hata mmoja ambapo waliongeza kuwa kabla ya kugawiwa vyandaru ahivyo kunguni hawakuwepo.
Miongoni mwa dalili na madhara ya kunguni ni pamoja na Ugonjwa wa mabaka mwili mzima,Upungufu wa hewa,Kufura macho,Kusokotwa na tumbo
Mawasiliano kati ya Idara ya Afya na waandishi wa habari yanaendelea ili kuliangazia suala hili ikiwa kuna uwezekanao wa kuwasaidia wakazi hao.
Mwandishi :Issack Gerald Bathromeo
Mhariri :Issack Gerald Bathromeo
Endelea kuhabarika na P5TANZANIA.BLOGSPOT.COM usikose mwendelezo wa suala hili kupitia hapahapa

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more