AFIKISHWA MAHAKAMANI MPANDA KWA TUHUMA ZA UHARIBIFU WA MALI,YUMO PIA ALIYETISHIA KUUWA KWA MANENO

-

Na.Boniface Mpagape-Mpanda
MTU mmoja mkazi wa Kapalangeo-kazima katika manispaa ya Mpanda Bw. Joseph Saleh kajunja amefikishwa katika mahakama ya mwanzo mjini Mpanda akikabiliwa na shtaka la kuharibu mali.

Akisomewa shtaka mbele ya hakimu Robert Nyando, mshtakiwa alitenda kosa hilo tarehe 26 mwezi huu katika eneo la soko kuu Mpanda mjini kwa kuvunja kioo cha bajaji yenye namba za usajili T 810 AGF chenye thamani ya shilingi laki moja na elfu themanini, mali ya Bw. Dalam Moshi. Mshtakiwa amekana shraka hilo.
Hakimu wa mahakama hiyo Bw. Robert Nyando, amesema mshtakiwa ana haki ya kupata dhamana ya ahadi ya shilingi laki mbili na elfu hamsini na mdhamini awe na barua toka kwa mtendaji wa kijiji na kitambulisho.
Kesi hiyo imeahirishwa hadi tarehe 8 mwezi Februari mwaka huu itakaposikilizwa.
Wakati huo huo, miongoni mwa kesi zilizotajwa leo ni ya kutishia kuua kwa maneno ambapo Mlalamikaji Bi. Agnes Elikana amefikisha shtaka hilo katika mahakama ya mwanzo Mjini Mpanda, kwa kutishiwa kuuliwa kwa maneno na Maria Joseph mkazi wa Kilimahewa.
Imeelezwa mahakamani hapo kuwa mshtakiwa Maria joseph alitenda kosa hilo tarehe 12 mwezi huu majira ya saa 11 jioni huko Kilimahewa kata ya Shanwe, kwa kumtishia Agnes Elikana kwamba atampiga mpaka amuue.
Baada ya kusomewa shtaka mshtakiwa amekana kosa na hakimu wa mahakama hiyo aliyesikiliza kesi hiyo Bw. Sylivester makombe amesema dhamana ipo wazi kwa mshtakiwa ya ahadi ya shilingi laki mbili na awe na kitambulisho. Mshtakiwa amedhaminiwa na kesi hiyo itasikilizwa tarehe 05 mwezi Februari mwaka huu.

Comments

Post a Comment

Popular posts from this blog

HISTORIA FUPI YA ABDULRAHMAN KINANA ALIYEJUZULU UKATIBU MKUU CCM

-
Image
Abdulrahman Kinana alizaliwa mwaka 1952 mkoani Arusha Arusha Kaskazini mwa Tanzania. Kinana ni mwanasiasa aliyeshika nyadhifa mbalimbali serikalini. Alihitimu shahada yake katika Chuo Kikuu cha Havard nchini Marekani akibobea kwenye masuala ya mikakati. Alikuwa Waziri wa ulinzi na Jeshi la kujenga taifa ,naibu Waziri wa mambo ya nje na uhusiano wa kimatafa na Waziri wa ulinzi. Kinana aliwahi kufanya kazi na Jeshi la wananchi la Tanzania kwa miaka 20 kabla ya kusaafu akiwa na cheo cha ukanali mwaka 1972. Abdulrahman Kinana pia aliwahi kuwa Spika wa Bunge la Afrika mashariki mwaka 2001 mpaka mwaka 2006. Habari zaidi ni P5TANZANIA LIMITED
Read more

FAHAMU HISTORIA YA JOKETI ALIYETUMBULIWA NA UVCCM

-
Image
Jokate Mwegelo Jokate Mwegelo Amezaliwa Jokate Urban Mwegelo 20 Machi   1987   (umri 31) 20 Machi   1987   (umri 31) Utaifa MTanzania Mhitimu Chuo Kikuu cha Dar Es Salaam ( Shahada ya Sayansi ya Siasa ) Kazi yake Mwigizaji, mjasiriamali, mtangazaji, mwimbaji Miaka ya kazi 2006-hadi sasa Jokate Mwegelo  ni  mwigizaji  wa  filamu  na mjasiriamali kutoka nchini  Tanzania . Jokate vilevile ni mtangazaji na mwimbaji. Huyu ni  Afisa Mtendaji Mkuu  wa kampuni ya  Kidoti Company .Mwaka wa 2011,alishinda tuzo ya  Zanzibar International Film Festival  akiwa kama mwigizaji bora filamu wa kike.Mwaka wa 2017,Mwegelo aliingizwa katika jarida la Forbes katika  Forbes 30 Under 30  kutoka Afrika. MAISHA YA AWALI NA ELIMU. Mwegelo alizaliwa mnamo tarehe 20 Machi,1987 huko mjini  Washington D.C ambapo wakat...
Read more

HISTORIA FUPI YA LAZARO NYALANDU ALIYEIBWAGA CCM NA KUHAMIA CHADEMA

-
Image
Lazaro Nyalandu alizaliwa Agosti 18, 1970 mkoani Singida, hivyo atafikisha miaka 45 Agosti mwaka huu. Kwa sasa yeye ni Waziri wa Maliasili na Utalii. Historia yake Lazaro Nyalandu alizaliwa Agosti 18, 1970 mkoani Singida. Nyalandu alipata elimu ya msingi katika shule za Pohama na Mrumba zilizoko kijijini kwao huko mkoani Singida na kuhitimu mwaka 1987. Aliendelea na masomo ya kidato cha kwanza mpaka cha nne katika Shule ya Sekondari Kibaha mkoani Pwani (1988 –1991) na alifaulu vizuri na kujiunga na Shule ya Sekondari Ilboru ambako alisoma kidato cha tano na sita. Wakati akiwa mwanafunzi wa sekondari,Nyalandu alikuwa kiongozi wa juu wa Ushirika wa Kikristo wa Wanafunzi Tanzania(Ukwata) 1991–1993 na baadaye alikuwa miongoni mwa vijana wa Kitanzania walioteuliwa kuzuru jiji la Rio De Janeiro,Brazil na kushuhudia mkutano wa Mazingira mwaka 1993. Nyalandu alipata elimu yake ya Chuo Kikuu nchini Marekani ambako alihitimu Shahada ya kwanza ya Sanaa katika Usimamizi wa Biashar...
Read more